లేటెస్ట్ గా.. తన ఇన్స్టాగ్రామ్ అకౌంట్లో ఆమె షేర్ చేసిన ఓ పోస్టు ఇప్పుడు తెగ వైరల్ అవుతోంది. ఇందులో ఒక ఫొటో పోస్ట్ చేసిన నిహారిక.. సదరు ఫొటోలో ఓ సీక్రెట్ ఉన్నట్లు మాట్లాడారు. అయితే సీక్రెట్ మాత్రం 'అతనొక్కడికే తెలుసు' అంటూ ఆసక్తి పెంచారు! ఆమె కావాలనే.. నెటిజన్లలో సస్పెన్స్ క్రియేట్ చేయడం కోసం ఇలా చేసినట్లు కనిపిస్తోంది. మరి ఇంతకీ ఆ పోస్టులో ఏముందంటే..?
నిహారిక ఈ పోస్టులో సెంటర్ ఫ్రెష్ యాడ్లో మాదిరి నోటికి తాళం వేసుకున్నట్లు నిహారిక కనిపిస్తున్నారు. ఈ ఫొటోకి క్యాప్షన్ గా.. ''నేను ఆ సీక్రెట్ చెప్పను.. ఒక వేళ చెప్తే అది సీక్రెట్ ఎలా అవుతుంది?' అంటూ చిలిపిగా ప్రశ్నించిందీ కొణిదెల వారసురాలు. అయితే.. ఆ సీక్రెట్ గురించి తెలుసుకోవాలంటే ఏం చేయాలో మాత్రం హింట్ ఇచ్చారు.
'ఆ సీక్రెట్ .. జోసెఫ్ రాధిక్ ఒక్కడికే తెలుసు' అని కామెంట్ పెట్టారు. అసలు ఇంతకీ ఈ జోసెఫ్ రాధిక్ ఎవరో తెలుసా? ఆయన మరెవరో కాదు.. నిహారిక - చైతన్య పెళ్లి ఫొటోలను తీసిన ఫొటో గ్రాఫర్. ఆయన సృజనాత్మకతో తీసిన ఫొటోలు సోషల్ మీడియాలో ఎంతగా వైరల్ అయ్యాయో అందరికీ గుర్తుంది కదా. ఇంతకూ ఈ ఫొటోగ్రాఫర్ కు మాత్రమే తెలిసిన ఆ సీక్రెట్ ఏంటా? అని నిహారిక అభిమానులు, నెటిజన్లు బుర్ర బద్ధలు కొట్టుకుంటున్నారు.