అయితే పవన్ మార్షల్ ఆర్ట్స్ నేర్చుకోడానికి కారణం చిరంజీవి. అవును.. అప్పట్లో తన పెద్ద తమ్ముడు నాగబాబుకు మార్షల్ ఆర్ట్స్ నేర్పించాలని చిరంజీవి చాలా కోరుకున్నాడు కానీ ఆయన లాయర్ అవుతానంటూ అటు వైపు వెళ్లిపోయాడు. అలా తన కోరిక పవన్ వైపు మళ్లించాడు. పవన్ కూడా ముందు నుంచి మార్షల్ ఆర్ట్స్పై అస్సలు ఆసక్తి చూపించలేదు. కానీ అనుకోని పరిస్థితుల్లో ఆయన చెంతకు వచ్చింది అది. నేర్చుకోవాల్సిన అవసరం కల్పించింది కూడా చిరంజీవే.
ఇక చెన్నైలో పవన్ చదువుకుంటున్న సమయంలో కొందరు చిరంజీవి సినిమాలు చూసి అతన్ని ఊరికే తిట్టేవారంట. అంతేకాక కాలేజీలో కొందరు పవన్ ముందే తన అన్నయ్య నటనతోపాటు లుక్పై కూడా కొన్ని విమర్శలు చేసేవాళ్లు. అలాంటివి చూసినపుడు విన్నపుడు రక్తం మరిచిపోయేదని.. కానీ సన్నగా రివటలా ఉన్న పవన్ వాళ్లను ఎదిరించలేకపోయాడని చెప్తుంటారు పవన్. ఇక వాళ్లను కొట్టాలంటే ఇలా ఉంటే సరిపోదు.. కచ్చితంగా మార్షల్ ఆర్ట్స్ నేర్చుకోవాలి.. అప్పుడే ఈ ఆలోచన పవన్ బుర్రలోకి వచ్చింది.
అయితే తన అన్నయ్యను కామెంట్ చేస్తున్న వాళ్ల తుక్కు రేగ్గొట్టాలంటే మార్షల్ ఆర్ట్స్ నేర్చుకోవాలని ఆయన శిక్షణ తీసుకున్నట్లు పవన్ సన్నిహితులే చెప్తుంటారు. అందులో ఆ తర్వాత ఆయన బ్లాక్ బెల్ట్ కూడా అందుకున్నాడు. ఆ తర్వాత అక్కడ అమ్మాయి ఇక్కడ అబ్బాయి, తమ్ముడు, బద్రి, ఖుషీ, జల్సా లాంటి సినిమాల్లో చూపించాడు. 40 ఏళ్లు దాటిన తర్వాత కూడా పవన్లో అదే ఎనర్జీ కనిపిస్తుంది. మొన్న విడుదలైన వకీల్ సాబ్ టీజర్ లోనూ పవన్ అదే ఎనర్జీతో ఫైట్స్ చేశాడు.