జూనియర్ తో మూవీ చేయడానికి అన్ని సిద్ధం చేసుకున్న త్రివిక్రమ్ ఆసినిమా వ్యవహారాలు చూస్తూనే పవన్ తో నిర్మాణం జరుపుకుంటున్న ‘అయ్యప్పన్ కోషియమ్’ రీమేక్ విషయంలో అన్నీ తానై తెరవెనుక నడిపిస్తున్నాడు అన్నమాటలు గట్టిగా వినిపిస్తున్నాయి. ఈ సినిమాను పవన్ దృష్టికి తీసుకెళ్లిన దగ్గర నుంచి ఈప్రాజెక్ట్ ను డిజైన్ చేయడం వరకు అన్ని పనులు త్రివిక్రమ్ సలహా సంప్రదిపులతోనే జరిగాయి అన్నమాటలు వినిపిస్తున్నాయి.
ఈ సినిమాకుసంబంధించి స్క్రీన్ ప్లే మాటలు అందిస్తోంది త్రివిక్రమ్ అన్న విషయం అందరికీ తెలిసిందే. గతంలో త్రివిక్రమ్ డైరెక్టర్ కాకముందు విజయ్ భాస్కర్ అనే దర్శకుడికి తెరవెనుక అన్నీ తానై సినిమా నిర్మాణం జరిపించేవాడు అన్న గుసగుసలు అప్పట్లో వచ్చేవి. అయితే త్రివిక్రమ్ ఇంత పేరు ప్రఖ్యాతలు సంపాదించాక కూడ ‘అయ్యప్పన్ కొషియమ్’ విషయంలో తెరవెనుక అన్నీ తానై ఉంటూ సెట్ మీద సాగర్ అనే చిన్న దర్శకుడిని పెట్టడం వెనుక త్రివిక్రమ్ ఆంతర్యం ఏమిటి అంటూ ఇప్పుడు ఇండస్ట్రీ వర్గాలలో ఆసక్తికర చర్చలు జరుగుతున్నాయి.
వాస్తవానికి త్రివిక్రమ్ పవన్ తో త్రివిక్రమ్ సినిమా చేయాలి అని అనుకంటే చాలు నిర్మాతలు క్యూ కడతారు. అయితే అలా చేయకుండా ‘అయ్యప్పన్ కొషియమ్’ రీమేక్ విషయం తెరవెనక పాట పోషించడానికి గల కారణం పై అనేకమంది ఆశ్చర్య పోతున్నారు. తెలుస్తున్న సంమాచారం మేరకు ఈ సినిమాకు సంబంధించి అన్ని తానై వ్యవహరిస్తూ నటీనటుల ఎంపికతోపాటు టెక్నీషియన్లు ఎంపిక విషయంలో సలహాలు ఇస్తూ ఈమూవీకి పేరుకు దర్శకుడు కాకపోయినా ఈ సినిమా నిర్మాణ విషయంలో ‘అజ్ఞాతవాసి’ గా ప్రవర్తిస్తున్నాడు అంటూ త్రివిక్రమ్ తెర వెనుక పాత్ర పై ప్రస్తుతం ఇండస్ట్రీ వర్గాలలో ఆసక్తికర చర్చలు జరుగుతున్నాయి..