"మాస్టర్" సినిమాతో కోలీవుడ్ స్టార్ విజయ్ తన ఖాతాలో మరో సూపర్ హిట్ ను నమోదు చేసుకున్నాడు. లోకేష్ కనకరాజ్ డైరెక్ట్ చేసిన ఈ సినిమా తెలుగు ఆడియెన్స్ ను కూడా అలరించింది. ఈ సినిమాలో విజయ్ సేతుపతి నెగటివ్ రోల్ లో కనిపించాడు. ఇప్పుడు తలపతి విజయ్ నెక్స్ట్ మూవీస్ పై దృష్టి పెట్టాడు. మాస్టర్ మూవీ సక్సెస్ తో మరిన్ని ప్రాజెక్ట్స్ కు ఒకే చెప్పాడు ఈ కోలీవుడ్ స్టార్.
నెల్సన్ దిలీప్ కుమార్ డైరెక్ట్ చేయబోతున్న ఓ సినిమాలో విజయ్ లీడ్ రోల్ పోషించబోతున్నాడు. ఈ సినిమా అవుట్ అండ్ అవుట్ కమర్షియల్ ఎంటర్టైనర్ గా రూపొందుతోంది. లేటెస్ట్ న్యూస్ ఏంటంటే ఈ సినిమాలో హీరోయిన్ గా నటించేందుకు పూజా హెగ్డేను మేకర్స్ సంప్రదించారని తెలుస్తోంది.
ఈ సినిమా కోసం నెల్సన్ దిలీప్ కుమార్ పూజాను హైదరాబాద్ లో కలిసినట్టు తెలుస్తోంది. డిస్కషన్స్ జరిగినట్టు తెలుస్తోంది. ఐతే, అఫీషియల్ కన్ఫర్మేషన్ ఐతే ఇప్పటివరకూ రాలేదు. ఫిబ్రవరిలో పూజా హెగ్డేకి సంబంధించిన విషయాన్ని మేకర్స్ అనౌన్స్ చేసే అవకాశం ఉంది.
ఈ ప్రాజెక్ట్ కు పూజా ఆల్మోస్ట్ గ్రీన్ సిగ్నల్ ఇచ్చేసినట్టు వార్తలు వస్తున్నాయి. ఒక వేళ అన్నీ సవ్యంగా జరిగితే పూజా హెగ్డేకు కోలీవుడ్ లో ఈ సినిమాతో మంచి ప్లాట్ఫార్మ్ లభించే అవకాశం ఉంటుంది. టాలీవుడ్ లో ఎలాగైతే నిలదొక్కుతుందో అదే విధంగా కోలీవుడ్ లో కూడా సుస్థిరస్థానాన్ని ఏర్పరచుకునే అవకాశం ఉంటుంది ఈ పొడుగు కాళ్ళ సుందరికి.
పూజాకు కోలీవుడ్ కొత్తేమీ కాదు. 2012లో "ముగమూడి" సినిమాలో నటించింది. ఈ సినిమాలో జీవా హీరోగా నటించాడు. ఈ సినిమా తెలుగులో "మాస్క్" పేరుతో విడుదలైంది. మొత్తానికి పూజాకు విజయ్ తో సినిమా కోలీవుడ్ లో కమ్ బ్యాక్ అని చెప్పుకోవచ్చు. తెలుగులో ఎలాగో ఈ ఇద్దరికీ మార్కెట్ ఉండటం వలన ఈ సినిమా తెలుగులో కూడా విడుదలవుతుంది.
