ఇక ఈ షోలో వన్ ఆఫ్ ద స్ట్రాంగ్ ఫిమేల్ కంటెస్టెంట్ గా నిలిచిన అరియానా గ్లోరీ ఎందరో ప్రేక్షకాభిమానుల హృదయాలను తను ఆకట్టుకునే గేమ్ ప్లే తో గెల్చుకున్నారు అనే చెప్పాలి. దాదాపుగా ఈ షోలో చివరివరకు కొనసాగి టాప్ ఫైవ్ లో ఒకరిగా నిలిచిన అరియానా ఎన్నో వారాల పాటు తన గేమ్ ని ఎంతో ఇష్టపడి ఓట్లు వేసిన ప్రేక్షకాభిమానులకు ప్రత్యేకంగా కృతజ్ఞతలు తెలిపారు. ఇక బయటకు వచ్చిన అనంతరం తన వ్యక్తిగత విషయాలను ఎప్పటికప్పుడు సోషల్ మీడియా మాధ్యమాల ద్వారా ప్రేక్షకులు, అభిమానులతో పంచుకుంటున్న అరియానా ఇటీవల పలు మీడియా ఛానల్స్ కి ఇంటర్వ్యూ లు ఇస్తూ వస్తున్నారు.
ఇక కొద్ది రోజుల క్రితం ఒక మీడియా ఛానల్ ప్రత్యేక ఇంటర్వ్యూ లో భాగంగా యాంకర్ తనని అడిగిన ప్రశ్నకి ఒకింత షాకింగ్ గా సమాధానమిచ్చారు అరియానా. ఇంతకీ మీ పెళ్ళెప్పుడు అని అడిగిన ప్రశ్నకు గాను, నాకు ఇప్పటికే సోహైల్ తో, అవినాష్ తో, అలానే ఒక ఎన్నారై తో పెళ్లి జరిగిందని వార్తలు ప్రచారం చేస్తున్నారు, వీళ్ళు కాక ఇంకా ఎవరెవరితో నాకు పెళ్లి చేస్తారు బాబు అంటూ ఒకింత సరదాగా సెటైర్లు వేస్తూ మాట్లాడారు అరియానా. మొదటినుంచి తనకి తన మ్యారేజ్ లైఫ్ గురించి మిగతా అమ్మాయిల మాదిరిగానే కొన్ని ఆలోచనలు ఉన్నాయని, అయితే తాను ఎవరిని పెళ్లి చేసుకుంటాను అనే విషయం మాత్రం అతి త్వరలోనే పూర్తి విషయాలు వెల్లడిస్తానని చెప్పుకొచ్చారు అరియానా.......!!