సక్సెస్ ఫుల్ డైరెక్టర్ కొరటాల శివ డైరెక్షన్లో చిరంజీవి హీరోగా తెరకెక్కుతున్న మూవీ ఆచార్య. కొణిదెల ప్రొడక్షన్స్, మ్యాట్నీ ఎంటర్టైన్మెంట్ బ్యానర్లపై సంయుక్తంగా నిర్మిస్తున్న ఈ మూవీ కి మెగా పవర్ స్టార్ రామ్ చరణ్ నిర్మాతగా వ్యవహరిస్తూనే ముఖ్యపాత్ర పోషిస్తున్నారు. చిత్రంలో చిరంజీవి సరసన కాజల్ అగర్వాల్ హీరోయిన్గా నటిస్తోంది.
దేవాలయాల్లో జరుగుతున్న అవినీతి నేపథ్యంలో రూపొందుతున్న ఈ మూవీ లో చరణ్ సిద్ధ పాత్రలో కనిపించబోతున్నాడట. దాదాపు ఈ సినిమాలో ఓ నలభై నిమషాల పాటు ఈ పాత్ర ఉంటుందట. అంతే కాదు ఓ డ్యూయట్ కూడా ఉంటుందని అంటున్నారు. కాగా డ్యూయట్ లో చరణ్ సరసన పలువురి పేర్లు ప్రచారం కాగా ఫైనల్ గా మాత్రం మేకర్స్ పూజా హగ్దే ను ఎంపిక చేసారని తెలుస్తుంది. ఇప్పటి వరకు మెగా హీరోలైన వరుణ్ తేజ్, అల్లు అర్జున్ సరసన జోడి కట్టిన పూజా.. రామ్ చరణ్ సరసన జోడి కట్టలేదు. రంగస్థలం లో కేవలం ఓ సాంగ్ లో చరణ్ తో చిందులేసింది అంతే. దీంతో మొదటిసారి ఈ జోడి కలిస్తే సినిమా కు హైప్ రావడమే కాక తెరపై అద్భుతంగా ఉంటుందని కొరటాల భావిస్తున్నట్లు తెలుస్తుంది.