ఇక ప్రస్తుతం రకుల్ తెలుగులో నితిన్ చెక్ చిత్రంలో నటిస్తోంది. అలాగే తమిళ్లో కమల్ హాసన్ ఇండియన్ 2, శివ కార్తికేయన్ అలయాన్లో నటిస్తున్నారు. వీటితో పాటు హిందీలో సర్దార్ అండ్ గ్రాండ్సన్, అటాక్, మేడే చిత్రాల్లో నటిస్తున్నారు. ఇక వైష్ణవ్ తేజ్ హీరోగా క్రిష్ తెరకెక్కించిన ఓ మూవీలోనూ రకుల్ నటించిన విషయం తెలిసిందే. తాజాగా ఓ స్టార్ హీరోతో తనకు ఒక డీల్ ఉంది అంటూ ఆసక్తికర విషయాలను బయటపెట్టింది ఈ అమ్మడు. ప్రస్తుతం తను నటిస్తున్న ‘అయలాన్’ సినిమా గురించి చెబుతూ.. ఆ సినిమా హీరో శివ కార్తికేయతో తనకు ఓ ఒప్పందం ఉందని తెలిపింది.
“కరోనా ప్రభావంతో గతేడాది ఈ సినిమా షూటింగ్ నిలిచిపోయింది. ఇటీవలే తిరిగి ఈ చిత్రీకరణ ప్రారంభమయ్యింది. తాజాగా ఈ మూవీ చివరి దశకు చేరింది. అందుకు నాకు చాలా సంతోషంగా ఉంది. ఈ సినిమాలో శివకార్తీకేయన్తో నటించడాన్ని నేను బాగా ఎంజాయ్ చేశాను. శివ చాలా మంచి సహనటుడు. చెన్నైలో నాకు కావాల్సిన ఆహారం ఎక్కడ దొరుకుతుందో చెప్పేవారు. అలాగే డైలాగ్స్ విషయంలో కూడా నాకు చాలా సాయం చేసేవారు. అంతేకాకుండా సెట్లో ఆయన ఎంతో సరదాగా ఉంటూ జోక్స్ వేసేవారు. చిత్రీకరణ ప్రారంభమైన కొన్ని రోజులకు మా ఇద్దరి మధ్య ఓ ఒప్పందం కుదిరింది. అదేంటంటే.. సెట్లో ఉన్నంతసేపు ఆయన నాతో ఇంగ్లీష్ మాట్లాడాలి. అలాగే నేను ఆయనతో తమిళంలో మాట్లాడాలి” అని రకుల్ ప్రీత్ సింగ్ చెప్పుకొచ్చింది.