మంచి యాక్షన్ తో కూడిన ఎమోషనల్ ఎంటర్టైనర్ గా యువ దర్శకుడు విజయ్ కనకమేడల దర్శకత్వంలో సతీష్ వేగేశ్న నిర్మాతగా తెరకెక్కిన ఈ సినిమా ప్రస్తుతం సూపర్ హిట్ టాక్ తో నడుస్తోంది. వరలక్ష్మి శరత్ కుమార్ ఒక ముఖ్య పాత్రలో కనిపించిన ఈ సినిమాకి శ్రీ చరణ్ పాకాల సంగీతాన్ని అందించగా సిద్ ఫోటోగ్రఫీ అందించారు. ఇక ఈ సినిమాలో అల్లరి నరేష్ నటనకు ఆడియన్స్ తో పాటు పలువురు సినిమా ప్రముఖులు నుంచి కూడా మంచి ప్రశంసలు లభిస్తున్నాయి. ఇప్పటి వరకు ఎక్కువగా కామెడీ సినిమాల్లో నటించి ఆడియెన్స్ ను అలరించిన నరేష్ గతంలో తన కెరీర్ లో నటించిన గమ్యం, నేను, మహర్షి సినిమాల ద్వారా తనలోని మరొక కోణాన్ని కూడా ఆవిష్కరించి అలరించారు.
అయితే వాటన్నిటినీ మించే విధంగా నాంది లో అల్లరి నరేష్ పోషించిన సూర్య ప్రకాష్ పాత్రకు విమర్శకుల నుంచి సైతం ప్రశంసలు అందుతున్నాయి. ఎప్పుడో కొన్నేళ్ళ క్రితం భీమనేని శ్రీనివాసరావు దర్శకత్వంలో తెరకెక్కిన సుడిగాడు సినిమా సూపర్ హిట్ తర్వాత మళ్ళి ప్రస్తుతం నాంది రూపంలో హిట్ రావడం నిజంగా ఎంతో ఆనందంగా ఉందని ఇకపై తన నుంచి తప్పకుండా ఆడియన్స్ తో పాటు అభిమానులని కూడా అలరించేలా మంచి చిత్రాలు వస్తాయని, మా సినిమాని ఎంతో ఆదరిస్తున్న ప్రేక్షకులకు, అభిమానులకు ఈ మూవీ సక్సెస్ మీట్ లో భాగంగా మాట్లాడుతూ ప్రత్యేకంగా కృతజ్ఞతలు తెలిపారు అల్లరి నరేష్.....!!