గతంలో శివ కార్తికేయన్, కీర్తి సురేష్ లతో రెమో తీసిన బక్కియరాజ్ కణ్ణన్ దీనికి దర్శకుడు.. ప్రముఖ తమిళ నిర్మాత ఎస్.ఆర్.ప్రభు ఈ చిత్రాన్ని ప్రొడ్యూస్ చేశాడు. రష్మిక మందన్న హీరోయిన్ కావడం మరో అదనపు ఆకర్షణ. తెలుగులో రష్మిక కు మంచి ఫాలోయింగ్ ఉంది.. ఆమె చిత్రాలు సూపర్ హిట్ అవుతున్న నేపథ్యంలో ఈ సినిమా పై మంచి అంచనాలు ఉన్నాయి. ఇటీవలే ఈ సినిమా చిత్రీకరణ పూర్తి చేసుకుని రిలీజ్ కి రెడీ గా ఉంది.కార్తీ ఒక తమిళ సినిమాలో నటిస్తున్నాడంటే దానికి తెలుగులో కూడా క్రేజ్ ఏర్పడుతుంది. ఆ చిత్రం అనువాద హక్కుల కోసం తెలుగు నిర్మాతలు పోటీపడుతుంటారు. అలాగే తాజాగా కార్తీ నటించిన 'సుల్తాన్' చిత్రం డబ్బింగ్ రైట్స్ కోసం కూడా పోటీ ఏర్పడింది.
ఈ క్రమంలో ప్రముఖ పంపిణీదారు వరంగల్ శ్రీను ఈ 'సుల్తాన్' అనువాద హక్కులను రెండు రాష్ట్రాలకూ కలిపి సుమారు 7 కోట్లకు సొంతం చేసుకున్నట్టు తాజా సమాచారం. తెలుగులో కూడా 'సుల్తాన్' పేరుతోనే ఏప్రిల్ 2న ఈ చిత్రాన్ని రిలీజ్ చేస్తారు. ఇందులో బిజీ స్టార్ రష్మిక కథానాయికగా నటించడం విశేషం. గతంలో తను నటించిన ఆవారా, నా పేరు శివ, ఖాకి, ఖైదీ వంటి సినిమాలు తెలుగు ప్రేక్షకులను కూడా అలరించాయి.