నందమూరి బాలకృష్ణ ప్రస్తుతం బోయపాటి శ్రీను దర్శకత్వంలో BB3 సినిమా చేస్తున్న సంగతి తెలిసిందే.. వెరైటీ రోల్స్ చేయడం లో బాలకృష్ణ కి సాటి ఎవరు రారు.. అంతేకాదు వేరే హీరోల సినిమాల్లో చిన్న పాత్ర అయినా నటించి అందరివాడు అనిపించుకున్నాడు బాలకృష్ణ.. అలాంటి బాలకృష్ణ ప్రస్తుతం ఫ్లాప్ లలో సతమతమవుతున్నారు.. నందమూరి బాలకృష్ణ కూడా గత కొన్ని సినిమాలుగా ప్రేక్షకులను ఏమాత్రం మెప్పించలేదనే చెప్పాలి. అందుకే మళ్ళీ తనకు అచ్చి వచ్చిన డైరెక్టర్ బోయపాటి శ్రీను తో చేతులు కలిపాడు బాలయ్య.. ఇప్పటికే ఈ సినిమా షూటింగ్ చివరి దశకు వచ్చేసింది..

త్వరలోనే రిలీజ్ చేసేందుకు సన్నాహాలు చేస్తున్నారు..   సయేశా సైగల్ ఈ సినిమా లో హీరోయిన్ గా నటిస్తుంది.. తమన్ సంగీతం అందిస్తుండగా  ద్వారక క్రియేషన్స్ బ్యానర్ పై యువ నిర్మాత మిర్యాల రవీందర్ రెడ్డి ఈ చిత్రాన్ని నిర్మిస్తున్నాడు.ఇటీవలే ఈ చిత్రం నుంచి వచ్చిన టీజర్ కు ప్రేక్షకులనుండి మంచి స్పందన వచ్చింది. ఇందులో పంచెకట్టులో మీసం మెలితిప్పుతూ మాస్ లుక్ లో బాలయ్య అలరించాడు. ఈ సినిమాలో బాలయ్య రెండు విభిన్న పాత్రల్లో కనిపిస్తుండగా.. అందులో ఒకటి అఘోర పాత్ర.. రెండోది ఫ్యాక్షనిస్ట్ పాత్ర అని సమాచారం.

ఇకపోతే ఈ సినిమా చేస్తుండగానే బాలయ్య మరిన్ని కథలు విన్నారన్న సంగతి తెలిసిందే. మరి ఈ సమయంలోనే వినిపించిన దర్శకుడు పేరు గోపిచంద్ మలినేని. ఈ ఏడాది ఆరంభమే “క్రాక్” అనే మైండ్ బ్లోయింగ్ బ్లాక్ బస్టర్ ను ఇచ్చి అదరగొట్టారు. ఇక అక్కడ నుంచి బాలయ్య తో కూడా ఒక చిత్రం ఉందని టాక్ వచ్చింది. కానీ ఇప్పుడు మాత్రం ఈ కాంబోలో సినిమా ఫిక్స్ అయ్యిపోయిందని తెలుస్తుంది. నిన్న దర్శకుడు చాలా సింపుల్ పోస్ట్ తోనే కన్ఫర్మ్ చేసేసారు. దీనితో ఈ కాంబో సెట్ అయ్యినట్టే ఖరారు అయ్యిపోయింది అని అభిమానులు ఫిక్స్ అయ్యారు. మరి ఈ చిత్రం ఎప్పుడు మొదలవుతుందో చూడాలి.

మరింత సమాచారం తెలుసుకోండి:

krack geetha gopichand malineni thaman s sangeetha nandamuri balakrishna producer blockbuster hit producer1 heroine yuva miryala ravinder reddy reddy dwaraka mass krack

P.Nishanth Kumar

24/02/2021 05:19 PM