లాంగ్ గ్యాప్ తీసుకున్న నాగార్జున మళ్లీ వైల్డ్ డాగ్ తో మేకప్ వేసుకున్నారు. ఈ సినిమా ప్రేక్షకులను ఆకట్టుకునే విధంగా ఉంటుందని ఈ చిత్ర యూనిట్ తెలుపుతోంది. ఇకపోతే ఈ మూవీకి అహిషార్ సోలమన్ డైరెక్షన్ చేస్తున్నారు. ఈ సినిమాలో నాగ్ ఒక పవర్ ఫుల్ పోలీస్ అధికారిగా కనిపించి ప్రేక్షకులను మెప్పించనున్నారు. ఇకపోతే బాలీవుడ్ నటి సయామీ ఖేర్, అలీ రజా, తదితరులు కూడా పోలీసులుగానే కనిపించనున్నారు. ఈ థ్రిల్లర్ మూవీకి నిరంజన్ రెడ్డి, అన్వేష్ రెడ్డిలు నిర్మాతలుగా వ్యవహరిస్తున్న సంగతి తెలిసిందే.
కాగా ఈ సినిమా ఏప్రిల్ 2 ప్రేక్షకుల ముందుకు రాబోతున్న సందర్భంగా సోమవారం నాడు హైదరాబాద్ లో ఈ చిత్ర యూనిట్ విలేకర్ల సమావేశం నిర్వహించింది. ఈ సందర్బంగా హీరో నాగార్జున మాట్లాడారు. ‘కొన్నేండ్ల కిందట హైదరాబాద్ లో భయంకరమైన బాంబు పేలుళ్లు సంభవించిన సంగతి తెలిసిందే. వాటిని ఆధారం చేసుకునే ఈ చిత్రం తెరకెక్కింది. కాగా ఈ సినిమాను దర్శకుడు ఒక అందమైన థ్రిల్లర్ మూవీగా తెరకెక్కించారని’ నాగార్జున వ్యాఖ్యానించారు. అలాగే ఈ మూవీలో నాగార్జున ఏసీపీ విజయ్ వర్మ పాత్రలో కనిపించబోతున్నాని చెప్పారు. ఈ మూవీ అన్ని వర్గాల ప్రేక్షకులకు ఖచ్చితంగా నచ్చుతుందని దర్శకుడు అన్నారు.