అయితే ఈ సినిమా ముందు ‘వర్షం’ సినిమాతో మాంచి హ్యాట్రిక్ హిట్ ను అందుకున్నా.. ఛత్రపతితో ప్రభాస్ లోని మాస్ టాలెంట్ కూడా బయటపడింది. ఆ సినిమాతోనే ప్రభాస్ తన ఫ్యాన్స్ ఫాలోయింగ్ లీస్ట్ ను పెంచేసుకున్నాడు. ఒక రకంగా చెప్పాలంటే ఛత్రపతి సినిమానే ప్రభాస్ కు ఒక మైలురాయిగా నిలిచిందనే చెప్పుకోవచ్చు. బాహుబలి తో సరికొత్త రికార్డులు క్రియేట్ చేసినా.. ముందు ఛత్రపతి సినిమాకు వచ్చిన పేరు ఈ బాహుబలి తీసుకురాలేకపోయింది. అలాంటి రికార్డునే క్రియేట్ చెయ్యాలనుకుంటున్నాడు డార్లింగ్ ప్రభాస్. భారీ అంచనాలతో తెరకెక్కుతున్న ‘సలార్’ కూడా ప్రభాస్ కు ఛత్రపతి కి వచ్చిన ఇమేజ్ నే తీసుకొస్తుందని అనుకుంటున్నారు. ఈ సినిమా డైరెక్టర్ ప్రశాంత్ నీల్ ‘ఉగ్రం’ అనే కన్నడ సినిమాతో బ్లాక్ బస్టర్ హిట్ నే అందుకున్నాడు. మళ్లీ కేజీఎఫ్ సినిమా తెరకెక్కించిన తన సత్తా ఏంటో లోకానికి చాటి చెప్పాడు. అయితే ఈ ఉగ్రం, కేజీఎఫ్ సినిమా కథలు రెండు వేరువేరుగా ఉన్నా మూలకథ మాత్రం ఒకలాగే ఉంటుంది.
అదేంటంటే.. అనామకుడిగా ఉన్నవాడు సడెన్ గా నాయకుడు కావడం జరుగుతుంది. ఇప్పుడు తెరకెక్కుతున్న సలార్ మూవీలో కూడా ఇలాంటి స్టోరీనే ఉంటుందని ఈ డైరెక్టర్ చెప్పబోతున్నారు. సలార్ అంటే అర్థం కమాండర్ ఇన్ చీఫ్ అని ప్రశాంత్ నీల్ చెప్పుకొచ్చారు. గ్రూపులో మెయిన్ పర్సన్ గా ఉండే వ్యక్తి ..లీడర్ ఎలా అయ్యాడనే కాన్సెప్ట్ పైనే కథ నడుస్తుందని చెప్పుకొచ్చారు ప్రశాంత్ నీల్. ఇంతవరకు వచ్చిన సినిమాల్లో కాకుండా.. ఇందులో చాలా పవర్ ఫుల్ గా కనిపించబోతున్నాడట ప్రభాస్. అయితే ఈ సినిమాలో ప్రభాస్ గ్యాంగ్ లీడర్ కనిపించబోతున్నాడు. దాంతో పాటుగా డార్లింగ్ కు రివేంజ్ డ్రామా ఉంటుందని సమాచారం. ముఖ్యంగా ఈ సినిమాలో ముంబై మాఫియాను కూడా ఈ స్టోరీలో ఇన్వాల్స్ చేస్తున్నాడట ప్రశాంత్ నీల్. భారీ అంచనాలతో తెరకెక్కుతున్న ఈ సినిమా హ్యాట్రిక్ రికార్డు క్రియేట్ చెయ్యడం పక్కాగా జరుగుతుందని డార్లింగ్ అభిమానుులు.. ఈ సినిమా దర్శక నిర్మాతలు ధీమాగా ఉన్నారు.