సక్కెస్ ఫుల్ డైరెక్టర్ కొరటాల శివ.. తన తర్వాతి చిత్రం స్టైలీస్ స్టార్ అల్లు అర్జున్తో కలిసి నిర్మించబోతున్న సంగతి తెలిసిందే. ఇక తాజా సమచారం ప్రకారం వరలక్ష్మీ అందులో ఓ పవర్ ఫుల్ పాత్రలోకి తీసుకునేందుకు కొరటాల శివ భావిస్తున్నట్లుగా టాక్. అయితే వీరిద్ధరి కాంబోలో రాబోయే సినిమా పూర్తిగా పొలిటికల్ బ్యాక్ గ్రౌండ్ తో రాబోతున్నట్లుగా ఫిల్మ్ నగర్లో చర్చలు వినిపిస్తున్నాయి. ప్రస్తుతం కొరటాల శివ.. మెగాస్టార్ చిరంజీవితో కలిసి 'ఆచార్య' సినిమా తెరకెక్కిస్తున్నాడు.
ప్రస్తుతం ఈ మూవీ షూటింగ్ శరవేగంగా జరుపుకుంటంది. ఇందులో కాజల్ హీరోయిన్గా నటిస్తుండగా.. మెగా పవర్ స్టార్ రామ్ చరణ్, పూజహెగ్డె కీలక పాత్రలలో నటిస్తున్నారు. ఇప్పటికే విడుదలైన ఈ మూవీ పోస్టర్స్, టీజర్తో సినిమా పై అంచనాలు భారీగానే ఉన్నాయి. ఈ సినిమా తర్వాత కొరటాల శివ, బన్నీ కాంబినేషన్లో రానున్న సినిమా సెట్స్ పైకి వెళ్లనుంది. ఇదిలా ఉండగా.. వరలక్ష్మీ.. డైరెక్టర్ సురేందర్ రెడ్డి.. అక్కినేని అఖిల్ కాంబోలో రాబోతున్న సినిమా వరలక్ష్మీ నెగిటివల్ రోల్ చేయబోతున్నట్లుగా కొద్ధి రోజులుగా వార్తలు వినిపిస్తున్నాయి. మొత్తానికి ఈ అమ్మడు మరిన్ని సినిమాలను కూడా లైన్లో పెట్టినట్లుగా తెలుస్తోంది. మరీ కొరటాల శివ, బన్నీ కాంబోలో రాబోయే సినిమాలో వరలక్ష్మీ మరోసారి తన విలనిజాన్ని చూపించబోతుందా లేదా అనేది చూడాల్సిందే..