అవినాష్, అరియానాల జంట బాగా అలరించింది. అయితే అవినాష్ చివరి మూడవ వారం ఎలిమినేట్ అవగా టాప్ 5లో స్థానం సంపాదించుకుంది అరియానా. అయితే హౌజ్ లో వీరి ఫ్రెండ్ షిప్ బాగా కుదిరింది. బయటకు వచ్చాక కూడా దాన్ని కొనసాగిస్తున్నారు. అయితే ఈమధ్య స్టార్ మాలో ఏ షో చూసినా వీరిద్దరు కనిపిస్తున్నారు. అవినాష్ ఎక్కడ ఉంటే అరియానా అక్కడ ఉంటుంది. అరియానా ఏ షోకి వెళ్తే అవినాష్ ఆ షోకి వెళ్తున్నాడు. ఇద్దరు కలిసి చేస్తున్న హంగామా అంతా ఇంతా కాదు.
అంతేకాదు అవినాస్, అరియానాల కమిస్ట్రీ చూసి వీరిద్దరి మధ్య నిజంగానే ఏదో నడుస్తుందని కొందరు డౌట్ పడుతున్నారు. స్టార్ మా కామెడీ స్టార్స్ లో అవినాష్ టీం కు సపోర్ట్ గా అరియానా, సోహెల్ వచ్చారు. అయితే సోహెల్ తో అరియానా డ్యాన్స్ చేస్తుంటే అవినాష్ సీరియస్ గా చూస్తూ ఓ ప్రోమో వదిలారు. అరియానా తనతోనే డ్యాన్స్ చేయాలని అనుకుంటూ అవినాష్ సోహెల్ మీద సీరియస్ గా చూస్తున్నాడని అంటున్నారు. ఏది ఏమైనా అవినాష్, అరియానా ఇద్దరి మధ్య సంథింగ్ సంథింగ్ అనేది మాత్రం నిజమే అనిపిస్తుంది. మరి ఈ ఇద్దరి మధ్య అసలు ఏం జరుగుతుంది అన్నది వారే చెప్పాలి.