జార్జిరెడ్డి నిర్మాణ సంస్థతో సోహెల్ ఓ సినిమా చేస్తున్నట్లు వార్తలు వచ్చిన విషయం తెలిసిందే. అయితే కొన్ని కారణాల వలన మొన్నటి వరకు సెట్స్ పైకి వెళ్ళని ఈ సినిమా...నిన్నటి నుండి ఈ చిత్రం రెగ్యులర్ షూటింగ్ లాంఛనంగా ప్రారంభమైంది. సోహెల్ హీరోగా తెరకెక్కుతున్న ఈ చిత్రం యొక్క ఫస్ట్ లుక్ ను రిలీజ్ చేసింది చిత్ర బృందం. ఈ పోస్టర్ లో సోహెల్ ఫుల్ మాస్ లుక్ తో దర్శనమిచ్చాడు. ఓ చేతిలో సిగరెట్టు పట్టుకొని.. ఒళ్లంతా టాటూలతో పక్కా మాస్ గెటప్ లో కనిపించాడు సోహెల్.
ఈ లుక్ లో సోహెల్ వరుణ్ తేజ్ నటించిన గద్దల కొండ గణేష్ లా కనిపిస్తున్నాడు అంటూ కొందరు అభిప్రాయం వ్యక్తం చేస్తున్నారు. మరి కొందరు అర్జున్ రెడ్డి సినిమా తరహాలో ఈ సినిమా అద్భుతంగా ఉండబోతుంది అంటూ ఊహించుకుంటున్నారు. ఇలా ఇన్ని అంచనాల మధ్య తెరకెక్కుతున్న ఈ చిత్రం సోహెల్ కు మంచి సక్సెస్ ఇవ్వనుందని ఆశిస్తున్నారు ఆయన అభిమానులు. సోహెల్ కూడా ఈ సినిమా తనకి మంచి బ్రేక్ ఇస్తుందని నమ్ముతున్నాడు. మరి ఏమి జరగనుందో తెలియాలంటే మరి కొంత కాలం ఆగాల్సిందే.