ఇటీవల ఓ నిర్మాత తన సినిమాలో నటించమని.. వెళితే.. అక్షరాలా కోటి రూపాయలు రెమ్యూనరేషన్ అయితేనే చేస్తానని చెప్పిందట. అంతే కాదు.. కారవ్యాన్, కాస్ట్యూమ్స్, ఫుడ్, అసిస్టెంట్స్కి అయ్యే ఖర్చు ఎక్స్ట్రా అని చెప్పిందట. అంతే ఒక్కసారిగా ఆ నిర్మాత అక్కడి నుంచి పారిపోయాడంటే నమ్మాలి మరి. ఆమె 'ఉప్పెన' చిత్రానికి తీసుకున్న రెమ్యునరేషన్ రూ. 6 లక్షలు. ఆ తర్వాత సినిమాలకు రూ. 60 లక్షల రెమ్యునరేషన్ అనేలా వార్తలు వచ్చాయి. అంటే 10 రెట్లు పెంచేసింది. అయినా సరే ఫ్రెష్ ఫేస్ కదా.. అని నిర్మాతలు రూ. 60 లక్షలకు కూడా ఓకే అయ్యారు.
కానీ ఇప్పుడు రూ. కోటి ప్లస్ ఎక్స్ట్రా ఖర్చులంటూ.. ఓ స్టార్ హీరోయిన్ అడిగినంత అడిగే సరికి.. ఆమెకో నమస్కారం పెట్టి.. నిర్మాత వెనక్కి వచ్చేశాడంట. బేబమ్మ.. బేబమ్మ అని అంతా నెత్తికి ఎక్కించుకున్నారని ఫీలైపోతుందో.. లేక ఉన్న అవకాశాన్ని వాడుకోవాలని చూస్తుందో తెలియదు కానీ.. దీపం ఉండగానే ఇళ్లు చక్కబెట్టుకోవాలనే సామెతను అక్షరాలా ఆమె పాటిస్తుంది. ఆమె అడిగే రెమ్యునరేషన్కి అలాంటి హీరోయిన్స్ని ఇద్దర్ని తీసుకొచ్చుకునే సామర్థ్యం ఉన్న నిర్మాతలు ఇండస్ట్రీలో చాలా మందే ఉన్నారని.. కేవలం ఒక్క సినిమాతోనే ఇంతలా డిమాండ్ చేయడం సరి కాదని అంటున్నారు విశ్లేషకులు...!!