చిరంజీవి తర్వాత అయన పేరు చెప్పుకుని ఓ డజను మంది హీరోలు పుట్టుకొచ్చారు.. అంతేకాదు వీరిని చూసి ఇతర ఫ్యామిలి నుంచి కూడా హీరోలు దిగారు.. ఏ పెద్ద సినిమా చేసిన ఈ నాలుగు ఫ్యామిలీ హీరోలు తప్పా ఎవరు కనిపించరు..ఎప్పుడో విజయ్ దేవరకొండ లాంటి హీరో పుట్టుకొస్తారు.. అంతేకానీ మాక్స్ ఈ నాలుగు ఫ్యామిలీ హీరోలే ఎక్కువగా కనిపిస్తుంటారు.. ఇప్పుడు ఇదంతా ఎందుకు అంటారా..మెగాస్టార్ చిరంజీవి నుంచి నిన్న ‘ఉప్పెన’తో వచ్చిన వైష్ణవ్ తేజ్ వరకు దాదాపు 10కి పైగానే హీరోలు మెగా ఫ్యామిలీలో ఉన్నారు. ఇప్పుడు మరో హీరో ఈ ఫ్యామిలీకి యాడ్ కాబోతోన్నారు. అయితే ఈసారి ఎంట్రీ ఇచ్చేది మెగాస్టార్ చిరంజీవి ఫ్యామిలీ నుంచి కాదు.. ఆయన బావమరిది అల్లు అరవింద్ ఫ్యామిలీకి చెందిన రిలేషన్ నుంచి ఓ హీరో ఈ ఫ్యామిలీకి యాడ్ కాబోతున్నాడు.
ఇంతకీ ఎవరా హీరో అంటే అల్లు అరవింద్ బావమరిది కొడుకు ముత్తంశెట్టి విరాన్.. ఇప్పుడు ‘బతుకు బస్టాండ్’ అంటూ తన బతుకేంటో తెలుసుకునే ప్రయత్నం చేయబోతున్నాడు. విరాన్ ముత్తంశెట్టి హీరోగా ‘బతుకు బస్టాండ్’ అనే చిత్రం తెరకెక్కుతోంది. ఈ సినిమాకు సంబంధించి ఇంతకు ముందెప్పుడో వార్తలు వచ్చాయి. తాజాగా ఈ సినిమా అప్డేట్ని టైటిల్తో సహా చిత్రయూనిట్ ప్రకటించింది. త్వరలోనే ఈ చిత్రం బాక్సాఫీస్ వద్ద సందడి చేయనుంది.