ఆ వార్తలను ఆమె ఖండించనూ లేదు. మాజీ భర్త విజయ్ మాత్రం మరో పెళ్లి చేసుకుని హ్యాపీగా ఉంటున్నాడు. అమలాపాల్ పై కూడా రెండో పెళ్లి అంటూ వార్తలు వచ్చాయి.. కానీ ఈ లైఫ్ ఉన్నది ఎంజాయ్ చేయడం కోసమేనని, ఇప్పుడప్పుడే మళ్లీ పెళ్లి చేసుకుని మరో తప్పు చేయనని ఆ మధ్య కాస్త గట్టిగానే చెప్పుకొచ్చింది. అయితే తనకు విడాకులైనా కూడా తగిన గౌరవం ఇస్తున్నందుకు ఈ భామ ఉబ్బితబ్బిబ్బవుతోంది.ఓటీటీ ఫ్లాట్ఫామ్లలో ఒకటైన నెట్ ఫ్లిక్స్ ఆధ్వర్యంలో తాజాగా నిర్వహించిన 'వాట్స్ నెక్ట్స్ ఇండియా 2021' ప్యానల్ డిస్కషన్ కార్యక్రమంలో అతిథిగా ఆమెను అవకాశం వరించింది.
ఈ ప్యానల్లో కరణ్ జోహార్, ప్రియాంకా చోప్రా, విక్రమాదిత్య మోత్వానీ, వివేక్ గొంబర్ వంటి ప్రముఖులు పాల్గొన్నారు. అలాంటి హేమాహేమీలు పాల్గొన్న ఈ డిస్కషన్ కార్యక్రమంలో దక్షిణాది సినీ పరిశ్రమ గురించే మాట్లాడే అవకాశం వచ్చినందుకు ఎంతో అదృష్టంగా భావిస్తున్నానని అమలాపాల్ చెప్పుకొచ్చింది. విడాకుల తర్వాత ఇలాంటి కార్యక్రమాలలో ఇంతవరకు పాల్గొని అమలాపాల్కు ఈ అవకాశం ఇచ్చిన వారందరికీ ఆమె ధన్యవాదాలు తెలిపింది...ఇక ప్రస్తుతం మళ్ళీ సినిమాలపై ఫోకస్ పెడుతోంది అమలాపాల్.. సినిమాలతో పాటు పలు వెబ్ సీరీస్ లలో కూడా నటిస్తోంది ఈ తమిళ హీరోయిన్...!!