ఇక అసలు విషయానికి వస్తే.. తాజాగా బోయపాటి-బాలయ్య కాంబినేషన్ లో తెరకెక్కుతోన్న మూడవ సినిమాలో జగపతిబాబు కూడా నటిస్తున్నట్లు తెలుస్తోంది. మరోసారి ఈ ముగ్గురు కలిసి పని చేస్తుండడంతో ఈసారి కూడా జగపతి బాబు..బాలయ్యని ఎదిరించే విలన్ గా కనిపిస్తారని అంతా అనుకున్నారు. కానీ ఈ సినిమాలో జగపతిబాబు క్యారెక్టర్ పాజిటివ్ గా ఉండబోతుందని సమాచారం. ఈ పాత్రని బోయపాటి స్పెషల్ గా రాసుకున్నాడట. సినిమాలో బాలయ్యకి కుడిభుజం లాంటి పాత్రలో జగపతి కనిపిస్తాడట.ఈ క్యారెక్టర్ ఒక రేంజిలో ఉండబోతుందని సమాచారం అందుతుంది. ఖచ్చితంగా మెప్పించడం ఖాయమట..ఆయన పాత్రే ఈ కథలో కీలకమైన మలుపుకి కారణం అవుతుందని తెలుస్తోంది. బోయపాటి సినిమాల్లో హీరోకి ఓ గ్యాంగ్ ఉంటుంది. అందులో అందరూ మంచివాళ్లే. ఈ సినిమాలో అలాంటి గ్యాంగ్ లో జగపతిబాబు ఉంటాడట. శ్రీకాంత్ ప్రధాన విలన్ అయినప్పటికీ.. సినిమాలో చాలా మంది విలన్లు కనిపిస్తారని తెలుస్తోంది.
అన్ని కార్యక్రమాలు పూర్తి చేసి మేలో ఈ సినిమాను విడుదల చేయడానికి ప్లాన్ చేస్తున్నారు. మహాశివరాత్రి సందర్భంగా సినిమా టైటిల్ తో పాటు ఫస్ట్ లుక్ ని విడుదల చేస్తారని సమాచారం అందుతుంది. ఇక ఈ సినిమా కోసం నందమూరి ఫ్యాన్స్ తో పాటు కామన్ ఆడియన్స్ కూడా ఎంతగానో ఎదురు చూస్తున్నారు. ఖచ్చితంగా వారి అంచనాలకి తగ్గట్లుగా ఈ సినిమాని తెరకెక్కిస్తున్నాడట బోయపాటి...
