ఇలా ఈ సినిమాలన్నీ విడుదల కావాల్సిన లిస్ట్ లో ఉండగా...ఇపుడు సినీ దిగ్గజాలు వేసుకున్న లెక్కలన్నీ తారుమారు అవుతున్నాయి. మళ్ళీ కరోనా వైరస్ తిరగ బడడంతో సమస్య మొదటికొస్తోంది అన్న సూచనలు అందుతున్నాయి. కరోనా సెకండ్ వేవ్ మొదలవడంతో ప్రజలు భయాందోళనలు చెందుతున్నారు. ఇది ఇలాగే కొనసాగితే జనాలు థియేటర్లకు వస్తారా అన్న సందేహాలు వ్యక్తమౌతున్నాయి. ప్రజల మాట అటుంచితే తిరిగి లాక్ డౌన్ మొదలయ్యే అవకాశాలు కనిపిస్తున్నాయి. ఈ క్రమంలో ఏప్రిల్ ,మే నెలలో రిలీజ్ కావాల్సిన చాలా సినిమాలు వాయిదా పడుతున్నాయి. త్వరలో రిలీజ్ కావాల్సిన టక్ జగదీష్, లవ్ స్టోరీ సినిమాలు అనుకున్న సమయానికి కాకుండా తాత్కాలికంగా వాయిదా వేసినట్లు అధికారకంగా ప్రకటించారు మేకర్స్.
అయితే ఇప్పుడు అందరి దృష్టి భారీ ప్రాజెక్టులైన ఆర్ఆర్ఆర్ మరియు కెజిఎఫ్ 2 చిత్రాలపై పడింది. అయితే 16 జూలై లో రిలీజ్ కి రానున్న కేజీఎఫ్ 2 కానీ.. అక్టోబర్ 13న రిలీజ్ కావాల్సిన ఆర్ఆర్ఆర్ కానీ వాయిదా పడితే మాత్రం ఇండస్ట్రీపై భారీగా ప్రభావం చూపుతుందని అంచనా వేస్తున్నారు సినీ విశ్లేషకులు. ఒకవేళ ఇవి కనుక అనుకున్న రిలీజ్ డేట్ లకు కాకుండా పోస్ట్ పోన్ చేయాల్సి వస్తే, ఇండస్ట్రీకి అది పెద్ద సమస్యాత్మకం అవుతుందని విశ్లేషిస్తున్నారు. ఎందుకంటే భారీ చిత్రాన్ని రిలీజ్ చేసే ముందు వెనుక చాలా విషయాలను లెక్క చూసుకోవాల్సి ఉంటుంది... ఏ సమయంలో విడుదల చేయాలి, చిన్న సినిమాలు ఏమైనా ఉన్నాయా, ఇలా ఎన్నో ఉంటాయి.
