గతంలో వీరి కాంబినేషన్ లో వచ్చిన 'సింహ' 'లెజెండ్' సినిమాలు ఊర మాస్ హిట్ అవ్వడంతో మూడవ సారి రాబోతున్న ఈ సినిమాపై భారీ అంచనాలే వున్నాయి.ఈ సినిమాను మే నెలలో విడుదల చేయనున్నట్లు అనౌన్స్ చేశారు. కానీ ప్రస్తుతం ఉన్న పరిస్థితుల్లో డేట్ మారే ఛాన్స్ కనిపిస్తోంది. ఇదిలా ఉండగా.. అప్పుడు విడుదలైన ఈ సినిమా ఫస్ట్ రోర్ కి అలాగే రీసెంట్ గా విడుదల చేసిన టీజర్ కి భారీ స్పందన వచ్చింది. ప్రేక్షకుల్లో ఈ సినిమాపై ఇంకా రెట్టింపు అంచనాలు పెరిగిపోయాయి. దానికి తగ్గట్లుగానే సినిమా బిజినెస్ కూడా జరుగుతోంది.
బాలయ్య కెరీర్ లో ఎన్నడూ లేని విధంగా ఈ సినిమా డిజిటల్, శాటిలైట్ రైట్స్ రికార్డు ధరలో భారీ మొత్తానికి అమ్ముడయ్యాయి.ప్రముఖ ఓటీటీ ప్లాట్ ఫామ్ హాట్ స్టార్ సంస్థ ఈ సినిమా హక్కులను రూ.15 కోట్లు చెల్లించి సొంతం చేసుకుంది.ఇది బాలయ్య కెరీర్ లోనే పెద్ద రికార్డు అని చెప్పాలి.అలాగే ఈ సినిమా టీజర్ ఇప్పటిదాకా యూ ట్యూబ్ లో 28 మిలియన్ వ్యూస్ ని దక్కించుకుంది. ఇక రీసెంట్ గా ఈ డీల్ క్లోజ్ అయింది. బాలకృష్ణ కెరియర్ లో అత్యధిక రేటు పలికిన సినిమా ఇదేనని అంటున్నారు. మరో రెండు వారాల సినిమా షూటింగ్ బ్యాలెన్స్ ఉంది. కానీ కరోనా సెకండ్ వేవ్ కారణంగా.. బాలయ్య కొన్నాళ్లపాటు షూటింగ్ కు దూరంగా ఉండాలని నిర్ణయించుకున్నారు.