ఈ మూవీకి కూడా తమన్ సంగీతాన్ని అందించగా పి.ఎస్.వినోద్ ఫోటోగ్రఫీ అందించారు. ఇక అతి త్వరలో సూపర్ స్టార్ మహేష్ తో త్రివిక్రమ్ ఓ సినిమా చేయనున్న విషయం తెలిసిందే. అందుతున్న సమాచారాన్ని బట్టి ఇప్పటికే మహేష్ బాబు కి ఒక అద్భుతమైన స్టోరీ లైన్ వినిపించిన త్రివిక్రమ్ ప్రస్తుతం దాని స్క్రిప్ట్ సిద్ధం చేస్తున్నారని అంటున్నారు. కాగా ఈ సినిమాకి తమన్ సంగీతం అందించనుండగా మరొకసారి ఈ మూవీలో హీరోయిన్ గా పూజా హెగ్డేని ఎంపిక చేసినట్లు ఇటీవల వార్తలు వచ్చాయి. మరోవైపు రెండు రోజుల నుంచి ఈ సినిమా విషయమై మరొక వార్త విస్తృతంగా ప్రచారం అవుతోంది. దానిని బట్టి ఈ సినిమాలో హీరోయిన్ గా శృతి హాసన్ ని త్రివిక్రమ్ ఫైనల్ చేశారని, ముందుగా పూజ హెగ్డే ని తీసుకుందామని భావించినప్పటికీ ప్రస్తుతం ఆమె కాల్షీట్స్ ఖాళీగా లేని కారణంగా ఆమె స్థానంలో శృతిని తీసుకుంటున్నారని అంటున్నారు. మరి ఈ సినిమాలో ఇంతకీ పూజ హెగ్డే నటిస్తోందా లేక శృతి హాసన్ నటిస్తున్నారా అనే విషయాలపై పూర్తి క్లారిటీ రావాలంటే ఆ మూవీ యూనిట్ నుంచి దీనికి సంబంధించి అధికారిక ప్రకటన రావాల్సి ఉంది అంటున్నారు సినీ విశ్లేషకులు.....!!
