ఇక ఈ సినిమా మే 14న విడుదల కానుంది. అలానే దీనితోపాటు వెంకీ నటిస్తున్న ఎఫ్3 సినిమాలో వరుణ్ తేజ్ మరో హీరోగా నటిస్తుండగా తమన్నా, మెహరీన్ హీరోయిన్లుగా నటిస్తున్నారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు రూపొందిస్తున్న ఈ సినిమా కి దేవిశ్రీ ప్రసాద్ సంగీతం అందిస్తున్నారు. ఇటీవల విడుదలై సూపర్ హిట్ కొట్టిన ఎఫ్2 మూవీకి సీక్వెల్ గా రూపొందుతున్న ఈ ఇసినిమాలో మొదటి భాగాన్ని మించేలా మరింత ఫన్ ఉండేలా దర్శకుడు అనిల్ రావిపూడి దీనిని అత్యద్భుతంగా తెరకెక్కిస్తున్నారని తప్పకుండా రిలీజ్ తర్వాత ఈ ఎఫ్3 మూవీ భారీ సక్సెస్ అందుకోవడం ఖాయమని యూనిట్ ఆశాభావం వ్యక్తం చేస్తున్నట్లు తెలుస్తోంది. కాగా ఈ సినిమాని ఆగస్ట్ 27న విడుదల చేయనున్నారు.
అసలు మ్యాటర్ ఏమిటంటే ప్రస్తుతం మన రెండు తెలుగు రాష్ట్రాల్లో కూడా కరోనా సెకండ్ వేవ్ తీవ్రంగా ఉండటంతో ఇప్పటికే పలు సినిమాలన్నీ ఒక దాని వెంట మరొకటి వాయిదా పడుతున్నాయి. అందుతున్న సమాచారాన్ని బట్టి ఇప్పటికే వెంకీ నటిస్తున్న నారప్ప వాయిదా పడగా ఆగస్టులో రానున్న ఎఫ్3 కూడా వాయిదా పడే ఛాన్స్ ఉందని అంటున్నారు. కాగా మేలో రావాల్సిన సినిమాలు ఆగస్టుకి వాయిదా పడటంతో ఎఫ్ 3 సెప్టెంబర్ కి వెళ్లే ఛాన్స్ ఉందని సమాచారం. మొత్తంగా ఈ కరోనా సెకండ్ వేవ్ టాలీవుడ్ పై భారీగానే ప్రభావం చూపిందని అంటున్నారు విశ్లేషకులు .....!!
