ముఖ్యంగా ఈ సినిమాలో విష్ణు, జెనీలియాల జోడి అలానే దివంగత సంగీత దర్శకుడు చక్రి అందించిన సాంగ్స్, బ్యాగ్రౌండ్ మ్యూజిక్ వీటితో పాటు భారీ ఫైట్స్ మరీ ముఖ్యంగా ఆకట్టుకునే విధంగా ఎంతో ఎంటర్టైన్మెంట్ తో కొనసాగిన స్క్రీన్ ప్లే వీటితో పాటు బ్రహ్మానందం సహా పలువురు ఇతర నటులు పండించిన అద్భుతమైన కామెడీ వెరసి ఈ మూవీకి ఇంత పెద్ద విజయాన్ని చేకూర్చాయి. అసలు విషయం ఏమిటంటే దీనికి సీక్వెల్ గా ఢీ 2 డబల్ డోస్ పేరుతో సినిమా అతి త్వరలో తెరకెక్కనున్న విషయం తెలిసిందే. విష్ణు సొంత సంస్థ అయిన 24 ఫ్రేమ్స్ ఫ్యాక్టరీ బ్యానర్ పై ఎంతో ప్రతిష్టాత్మకంగా ఈ సినిమా గ్రాండ్ లెవెల్లో తెరకెక్కనుంది. గోపీ మోహన్ ఈ సినిమాకి కథారచన చేస్తుండగా మణిశర్మ తనయుడు మహతి స్వర సాగర్ దీనికి సంగీతాన్ని అందించనున్నారు.
ఇప్పటికే ఈ సినిమా యొక్క కథని సిద్ధం చేసిన దర్శకుడు శ్రీను వైట్ల ప్రస్తుతం తన బృందంతో కలిసి దానికి తుది మెరుగులు దిద్దుతున్నట్లు తెలుస్తోంది. అందుతున్న సమాచారాన్ని బట్టి మొదటి భాగాన్ని మించేలా ఈ డబుల్ డోస్ మూవీ మరింత అత్యద్భుతంగా తెరకెక్కనుందని అలానే ఈ సినిమాలో యాక్షన్ ఎంటర్టైన్మెంట్ తో పాటు ముఖ్యంగా కామెడీ ఫుల్ డోస్ లో ఉంటుందని అతి త్వరలో ఈ సినిమాలోని హీరోయిన్ ఇతర నటీనటులకి సంబంధించిన పూర్తి వివరాలు కూడా అధికారికంగా వెల్లడి కానున్నాయి అని అంటున్నారు. కాగా ఇప్పటికే ఆడియెన్స్ లో ఈ మూవీ పై మంచి అంచనాలే ఏర్పడ్డాయి, మరి ఆ అంచనాలను ఈ సినిమా ఏ స్థాయిలో అందుకుంటుందో తెలియాలంటే మరికొన్నాళ్ల వరకు వెయిట్ చేయక తప్పదు.....!!
