మణిశర్మ సంగీతం అందించిన ఈ సినిమాలో మహేష్ బాబు సీతారామరాజు అనే టాక్సీ డ్రైవర్ పాత్రలో కనిపిస్తారు. ఇక అసలు విషయం ఏమిటంటే అతి త్వరలో మరొకమారు సూపర్ స్టార్ మహేష్, త్రివిక్రమ్ సినిమా రూపొందనున్నట్లు తెలుస్తోంది. హారిక హాసిని క్రియేషన్స్ జిఎంబి ఎంటర్టైన్మెంట్స్ సంస్థలపై మహేష్, సూర్యదేవర రాధాకృష్ణ దీనిని ఎంతో భారీగా నిర్మించనున్నట్లు టాక్.
ఇప్పటికే ఈ మూవీ కోసం ఒక అద్భుతమైన స్టోరీ లైన్ సిద్ధం చేసిన త్రివిక్రమ్ ప్రస్తుతం దాని పూర్తి స్క్రిప్ట్ పై పని చేస్తున్నట్లు తెలుస్తోంది . కాగా ఈ ప్రతిష్టాత్మక సినిమా ఎంతో భారీ వ్యయంతో పాన్ ఇండియా రేంజ్ లో రూపొందనుందని కొందరు అంటుండగా అదేమీ లేదు డైరెక్ట్ తెలుగులో మాత్రమే ఈ మూవీ విడుదల అవుతుందని మరికొందరు అంటున్నారు. అయితే దీని పై పూర్తి స్థాయిలో స్పష్టత రావాలి అంటే దర్శక నిర్మాతల నుండి అధికారికంగా ప్రకటన వచ్చే వరకు వెయిట్ చేయక తప్పదని అంటున్నారు సినీ విశ్లేషకులు.....!!