ఈ చిత్రం విడుదలకు కోసం తెలుగు సినీ ప్రేక్షకులంతా ఈ సినిమా కోసం ఎదురుచూస్తున్నారు. ఈ సినిమాకు ఇంకా పేరు ఖరారు కాలేదు. ప్రస్తుతానికి ‘కొండపొలం’ అనే పేరు పరిశీలనలో ఉన్నట్లు సమాచారం. ఈ సినిమా కోసం వేచి చూస్తున్న ప్రేక్షకులకు ఓ తీపికబురు అందిందనే చెప్పాలి. ఈ సినిమా రిలీజ్ గురించి ప్రస్తుతం సినీ సర్కిల్స్‌లో ఓ పుకారు షికార్లు చేస్తోంది. సినిమా విడుదల విషయంలో చిత్ర యూనిట్ ఓ నిర్ణయానికి వచ్చిందట..
అయితే ఈ సినిమాను కాస్త ఆలస్యం అయినా థియేటర్ల‌లోనే విడుదల చేయాలని దర్శకనిర్మాతలు భావించారు. కానీ ప్రస్తుతం కరోనా సెకండ్ వేవ్ కారణంగా అన్ని సినిమాలు వాయిదా పడుతున్నాయి. మళ్లీ లాక్‌డౌన్ వచ్చే ఛాయలు కనిపిస్తుండటంతో దర్శకనిర్మాతలు ఈ సినిమాను ఓటీటీలో విడుదల చేయాలని ఆలోచిస్తున్నారట. ఈ మేరకు అధికారిక ప్రకటన ఇంకా రాలేదు. త్వరలోనే ఈ విషయంపై క్లారిటీ వచ్చే అవకాశాలు ఉన్నాయని సమాచారం.
ఇదిలా ఉంటే ఈ సినమాలో వైష్ణవ్ సరసన రకుల్ ప్రీత్ సింగ్ నటిస్తున్నారు. ఈ సినిమాను సన్నపురెడ్డి వెంకటరామిరెడ్డి రచించిన ‘కొండపొలం’ పుస్తకం ఆధారంగా తెరకెక్కిస్తున్నారు. ఈ సినిమా పోస్ట్ ప్రొడక్షన్ పనులు కూడా దాదాపు పూర్తయ్యాయి. ఒక విడుదలే తరువాయి అన్న సమయంలో కరోనా సెకండ్ వేవ్ రావడంతో చిత్ర యూనిట్ సినిమా విడుదల విషయంలో ఆలోచనల్లో పడింది. మరి ఈ సినిమా రిలీజ్ ఎందులో అవుతుంది అనేది తెలియాలంటే కొన్ని రోజులు వేచి చూడాల్సిందే.
