ఆదిపురుష్ సినిమా ప్రతిష్ఠాత్మకంతా తెరకెక్కుతుండడంతో డైరెక్టర్ దీనిని చాలా జాగ్రత్తగా ప్లాన్ చేస్తున్నాడట. దేశం మొత్తం దేవుడిగా కొలిచే రాముడి పాత్ర ఆధారంగా తెరకెక్కుతుండడంతో ప్రతి చిన్న విషయంపై కూడా చాలా జాగ్రత్తగా ముందుకెళుతున్నాడట. ఈ సినిమా కోసం ఎన్నో ఏళ్ల నుంచి ఓం రవుత్ రీసెర్చ్ చేశాడట. వేల సంవత్సరాల కిందటి కథను ఎంత జాగ్రత్తగా తిసేందుకు ఈ రీసెర్చ్‌‌నే ప్రామాణికంగా అతడు తీసుకుంటున్నాడట.
ఇది మాత్రమే కాకుండా.. కేవలం రాముడు, సీత, రావణుడే కాకుండా.. రామాయణంలో కీలకమైన ప్రతి ఒక్క పాత్రను ఈ సినమాలో చూపించే ప్రయత్నం చేస్తున్నాడట. దీనికోసం క్యాస్టింగ్ ఎంపిక పనులు కూడా శరవేగంగా జరుగుతున్నట్టుగా టాక్ వినిపిస్తోంది. అంటే రామాయణాన్ని కళ్లకు కట్టినట్లు చూపించబోతున్నాడన్నమాట. మరి ఈ ప్రయత్నంలో ఓం రవుత్ ఏ మేర సక్సెస్ అవుతాడో చూడాలి.
ఇదలా ఉంటే ఈ చిత్రంలో రాముడిగా ప్రభాస్ కనిపించబోతుండగా.. సీతగా కృతి సనన్, లక్ష్మణుని పాత్రలో సన్నీ సింగ్ నటిస్తున్నారు. ఇక రామాయణంలో ఎంతో కీలమైన రావణుడి పాత్రలో సైఫ్ అలీ ఖాన్ మెరవనున్నాడు. ఇక మిగతా పాత్రల్లో ఎవరిని తీసుకుంటారో ఇప్పటికి సస్సెన్స్‌గానే ఉంది.
