రంగస్థలం సూపర్ హిట్ తరువాత సుకుమార్ అలానే ఇటీవల అలవైకుంఠపురములో వంటి బ్లాక్ బస్టర్ తరువాత అల్లు అర్జున్ కలిసి చేస్తున్న మూవీ కావడంతో ఇది తప్పకుండా బ్లాక్ బస్టర్ సక్సెస్ కొడుతుందని అల్లు అర్జున్ ఫ్యాన్స్ భావిస్తున్నారు. ఇప్పటికే చాలా వరకు షూటింగ్ జరుపుకున్న ఈ సినిమా ఎర్ర చందనం స్మగ్లింగ్ నేపథ్యంలో మంచి యాక్షన్ తో కూడిన కమర్షియల్ ఎంటర్టైనర్ గా రూపొందుతున్నట్లు టాక్. ఈ మూవీని ఈ ఏడాది స్వతంత్ర దినోత్సవం కానుకగా ఆగష్టు 13న విడుదల చేయనున్నారు.
అయితే దీనికి సంబంధించి కొద్దిరోజులుగా ప్రచారం అవుతున్న ఒక న్యూస్ ప్రకారం పుష్ప మూవీ రెండు భాగాలుగా తెరకెక్కుతుందని, రెండవ భాగాన్ని వచ్చే ఏడాది సమ్మర్ లో రిలీజ్ చేస్తారనేది ఆ వార్త యొక్క సారాంశం. అలానే హీరో అల్లు అర్జున్, డైరెక్టర్ సుకుమార్ ఇద్దరూ కూడా మూవీ రెండు భాగాలు అయితే ఆడియన్స్ కి మరింతగా స్టోరీ కనెక్ట్ అవుతుందని భావించినట్లు వార్తలు వచ్చాయి. కాగా ఇవన్నీ ఒట్టి పుకార్లు మాత్రమే అని, పక్కాగా పుష్ప మూవీ కేవలం ఒక్క పార్ట్ గానే తెరకెక్కి రిలీజ్ అవుతుందని అల్లు అర్జున్ క్యాంపు నుండి న్యూస్ బయటకు వచ్చినట్లు చెప్తున్నారు. దీనితో ఈ మూవీపై రెండు పార్టులు అంటూ వస్తున్న పుకార్లకు అడ్డు కట్ట పడిందని అంటున్నారు విశ్లేషకులు...... !!
