తాజా ట్వీట్లో ఆర్జీవీ ప్రధాని గడ్డం గురించి చురకలంటించాడు. ‘సార్. మీరు అనుకున్నట్లుగా ఇప్పుడు మీ లుక్ పనిచేయడం లేదు. మీకనిపించడం లేదా..? వెంటనే గడ్డం తీసేయాలని..? అలాగే మీ ముఖంపై కొన్ని ప్రేదశాల్లో వెంట్రుకల కోసం లోరియల్ క్రీమ్ వాడి కొత్త అవతారంలో తిరిగి రావాలని..? అహా..! అడగాలనిపించిందంతే’ అని రాసుకొచ్చాడు. దీనికి గడ్డంతో ఉన్న ప్రధాని మోదీ ఫోటోను జత చేశాడు. ప్రస్తుతం ఈ ట్వీట్ తెగ వైరల్ అవుతోంది.
ఇక ఈ ట్వీట్ చూసిన నెటిజన్లు కూడా విపరీతంగా కామెంట్లు చేస్తున్నారు. ఓ యూజర్ ‘నిజం చెప్పారు ఆర్జీవీ సర్’ అని కామెంట్ చేస్తే.. మరో యూజర్ ‘ఆ అవతారం కూడా మీరే డిజైన్ చేస్తే పోలా..’ అని రిప్లై ఇచ్చాడు. ఇక ఇంకో నెటిజన్ ఆర్జీవీ కామెంట్‌పై ఆర్జీవీనే ట్రోల్ చేశాడు. ‘కాకా.. 3 పెగ్గులేసినట్టువ్.. సీఎం నుంచి పీఎంకు వచ్చేసినవ్..’ అని కామెంట్ చేశాడు. మరో ఆర్జీవీ ఫ్యాన్ అయితే.. ‘సర్. మీరెప్పుడూ ‘జస్ట్ అడుగుతున్నానంతే..’ అంటూ ప్రశ్నలు సంధిస్తారు. కానీ అవి ఎదుటివారిని చెంప ఛెళ్లుమనిపించినట్లు ఉంటాయి’ అని ప్రశంసించాడు.
