ఇప్పటివరకు కష్టపడి తెచ్చుకున్న బాడీ షేప్ కోల్పోకుండా ఉండేందుకు ఇప్పటికీ వర్కౌట్లు చేస్తూనే ఉన్నాడు. షూటింగ్ తిరిగి ప్రారంభమయ్యే వరకూ అదే బాడీ మెయిన్‌టెన్‌ చేయడం కోసమే ఈ విధంగా చేస్తున్నట్లు వరుణ్ చెప్పాడు. ఈ మేరకు ‘ఈజీగా ఫైట్‌ చేయడం కోసం ట్రైన్‌ అవుతున్నా’ అని వరుణ్‌తేజ్‌ జిమ్‌లో దిగిన ఓ ఫొటో షేర్‌చేశారు. ఇప్పుడీ ఫోటోలు సోషల్ మీడియాలో వైరల్ అవుతున్నాయి. ఈ ఫోటోలు చూసిన ఫ్యాన్స్.. ‘ఇది డెడికేషన్ అంటే.. హ్యాట్సాఫ్ గని భాయ్’ అంటూ పోస్ట్‌లు చేస్తున్నారు. వరుణ్ డెడికేషన్ అలాంటిది మరి.
ఈ చిత్రానికి కిరణ్‌ కొర్రపాటి దర్శకత్వం వహిస్తుండగా.. సిద్దు ముద్ద, అల్లు బాబీ నిర్మాతలుగా వ్యవహరిస్తున్నారు. 4 నెలల క్రితం అంటే.. జనవరిలో 19న వరుణ్ తేజ్ పుట్టినరోజు సందర్భంగా ఈ సినిమా టైటిల్, ఫస్ట్ లుక్ విడుదలైంది. వీటిని మెగా పవర్ స్టార్ రామ్ చరణ్ స్వయంగా విడుదల చేసి వరణ్‌కు శుభాకాంక్షలు చెప్పారు. అప్పటినుంచి ఈ మూవీపై అంచనాలు విపరీతంగా ఉన్నాయి. గద్దలకొండ గణేశ్ తర్వాత వస్తున్న సినిమా కావడంతో ఈ చిత్రంపై విపరీతంగా హైప్ క్రియేట్ అయింది. దానికి తగ్గట్టుగానే వరుణ్ కూడా పూర్తి బాక్సర్ టైప్ బాడీ కోసం తెగ కష్టపడుతున్నాడు.కాగా.. ఈ చిత్రంలో వరుణ్ సరసన బాలీవుడ్ భామ సాయీ మంజ్రేకర్ కనిపించనుంది. అలాగే ఉపేంద్ర సునీల్ శెట్టి, నవీన్ చంద్ర వంటి పెద్ద పెద్ద నటులంతా ఈ సినిమాలో కీలక పాత్రల్లో నటిస్తున్నారు. ఇక ఈ సినిమాకు ఫుల్ ఫామ్‌లో ఉన్న థమన్ మ్యూజిక్ అందించబోతున్నాడు. అయితే కరోనాకు ముందు ఈ సినిమాను జూలై 30 విడుదల చేయనున్నట్లు ప్రకటించినా.. ప్రస్తుతం పరిస్థితుల్లో ఈ డేట్ మారే అవకాశాలు కనిపిస్తున్నాయి.
