ఇక ప్రభాస్ తో సినిమా చేయాలని దర్శకురాలు సుధా కొంగర ఈ మధ్యనే ఒక కథ వినిపించినట్లు గా ప్రచారం జరుగుతున్న సంగతి తెలిసిందే. ఆ విషయం పక్కన పెడితే ఇప్పుడు ప్రభాస్ కోసం తెలుగులో ఒక విలక్షణ దర్శకుడు కథ సిద్ధం చేస్తున్నట్లు సమాచారం. ఆ దర్శకుడు మరెవరో కాదు ఫీల్ గుడ్ సినిమాలు తీస్తాడనే పేరున్న చంద్రశేఖర్ ఏలేటి.
చూడడానికి ఫీల్ గుడ్ సినిమాలే అయినా ఇప్పటిదాకా ఆయన సినిమాలు కమర్షియల్గా వర్కౌట్ అయినట్లు ఎక్కడా దాఖలాలు లేవు. అయినా సరే ఆయనతో ఓ సినిమా చేయడానికి ప్రభాస్ ఆసక్తి చూపిస్తున్నాడని తెలుస్తోంది. ప్రభాస్ కోరిక మేరకు చంద్రశేఖర్ ఏలేటి ఒక కధ సిద్ధం చేస్తున్నాడని అంటున్నారు. చివరిగా నితిన్ హీరోగా చెక్ అనే సినిమా చేశారు చంద్రశేఖర్ ఏలేటి. ఈ సినిమా థియేటర్లలో రిలీజ్ అయినా సరే ఏమాత్రం పాజిటివ్ టాక్ తెచ్చుకో లేక పోయింది.