బాలీవుడ్ హీరో సుశాంత్ సింగ్ రాజ్పుత్ 34 ఏళ్ళ వయసులో ఆత్మహత్య చేసుకున్నాడు. ఇక ఇర్ఫాన్ ఖాన్ ని కాన్సర్ ఈ నటుడిని కాటేసింది. 54 ఏళ్ళ వయసులోనే కెరీర్ టాప్ ఫామ్లో ఉన్నపుడు కన్నుమూసాడు ఇర్ఫాన్ ఖాన్. రియల్ స్టార్ శ్రీహరి తెలుగులో స్టార్గా ఉన్న సమయంలోనే కన్నుమూసాడు. చనిపోయే నాటికి ఈయన చేతిలో 15 సినిమాలున్నాయి. లెజెండరీ కమెడియన్ ఎమ్మెస్ నారాయణ కూడా కెరీర్ మంచి స్టేజీలోనే చనిపోయారు. ఉల్లాసంగా ఉత్సాహంగా సినిమాతో తెలుగు తెరకు పరిచయమై యశో సాగర్. ఆయన బిజీ అవుతున్న సమయంలో రెండో సినిమాకే 25 ఏళ్ల వయసులో యశో సాగర్ యాక్సిడెంట్లో మరణించాడు.
అలాగే స్టార్ డమ్ తెచ్చుకుంటున్న సమయంలో దివ్య భారతి కన్నుమూసింది. కెరీర్ అప్పుడప్పుడే ఊపందుకుంటున్న సమయంలో ప్రత్యూష అనుమానాస్పద రీతిలో కన్నుమూసింది. 2002లో ఈమె మరణించే నాటికి వయసు కేవలం 22 ఏళ్లు మాత్రమే. అప్పటికే 100 సినిమాలు పూర్తి చేసిన సౌందర్య స్టార్ హీరోయిన్గా ఉన్నపుడే విమాన ప్రమాదంలో కన్నుమూసారు. చనిపోయే నాటికి ఈమె వయసు 34 ఏళ్ళు మాత్రమే. తెలుగు, తమిళంలో స్టార్గా దూసుకుపోతున్న సమయంలోనే చాలా చిన్న వయసులో అర్ధాంతరంగా మరణించారు ఫటాఫట్ జయలక్ష్మి.
సుత్తి వీరభద్రరావు అనారోగ్యంతో 45 ఏళ్ల వయసులోనే మరణించారు. కన్నడలో సూపర్ స్టార్ శంకర్ నాగ్ 35 ఏళ్ళ వయసులో 1990లో కన్నుమూసారు ఈయన. శంకర్ చనిపోయిన నాలుగేళ్ళ వరకు ఆయన సినిమాలు విడుదల అవుతూనే ఉన్నాయి. సెల్యూట్, ఆజాద్, గణేష్ లాంటి సినిమాలను ప్రేక్షకులకు అందించిన దర్శకుడు తిరుపతి స్వామి.. చాలా చిన్న వయసులోనే కారు ప్రమాదంలో మరణించారు.