అయితే ప్రస్తుతం ఎన్టీఆర్ తన తాజా సినిమాను దర్శకధీరుడు రాజమౌళి డైరెక్షన్‌లో చేస్తున్నాడు. ఈ సినిమాలో రామ్ చరణ్, యంగ్ టైగర్ ఎన్టీఆర్ కలిసి ప్రధాన పాత్రల్లో నటిస్తున్నారు. ఈ సినిమా దాదాపు పూర్తి కావచ్చింది. ఇటీవల ఈ సినిమా ఫైనల్ ఫైట్‌ను చిత్రీకరించారు. కానీ కరోనా కారణంగా చివరి షెడ్యూల్ కాస్త ఆలస్యం అవుతోంది. అయితే మే20న ఎన్టీఆర్ పుట్టిన రోజు సందర్భంగా ఆర్ఆర్ఆర్ టీమ్ ఏం సర్‌ప్రైజ్ ఇస్తుందా అని అభిమానులు ఎదురుచూస్తున్నారు. కొందరైతే ఈ సినిమా నుంచి భారీ అప్డేట్ వస్తుందని, టీజర్ కూడా వచ్చే అవకాశాలు ఉన్నాయని ఊహిస్తున్నారు.
అయితే తాజాగా ఈ సినిమా నుంచి రానున్న ట్రీట్ గురించి సరికొత్త వార్త సినీ సర్కిల్స్‌లో హల్‌చల్ చేస్తోంది. యంగ్ టైగర్ పుట్టినరోజుకి కొమరం భీమ్ పాత్రలో పవర్ ఫుల్ పోస్టర్ వస్తుందని అంటున్నారు. అంతేకాకుండా ఈ పోస్టర్ నెవర్ బిఫోర్ అనేలా ఉంటుందని అభిమానులు ఊహాగానాలు చేస్తున్నారు. మే20న కేవలం పోస్టర్ మాత్రమే కాకుండా సరికొత్త రిలీజ్ డేట్‌ను కూడా ప్రకటించనున్నారని టాక్ నడుస్తోంది. ఈ సినిమాలో హీరోయిన్‌గా అలియా భట్ నటిస్తోంది. ఇందులో అలియా పాత్రకు తానే స్వయంగా డబ్బింగ్ చెప్పుకుంటుందట. మరి ఈ అప్డేట్ ఏంటని తెలియాలంటే అప్పటి వరకు వేచి చూడాల్సిందే.
