ఈ సినిమా తెలుగు, హిందీ భాషల్లో రూపొందించారు. అయితే తాజాగా రాజ్ తరుణ్ తమిళంలోకి అరంగట్రం చేసేందుకు సిద్దమవుతున్నాడట. తెలుగులో రాజ్ తరుణ్ చేసిన తాజా సినిమా పవర్ ప్లేను తమిళంలో అనువాదం చేయనున్నారు. ఈ అనువాద సినిమాలోనూ రాజ్ తరుణ్ హీరోగా నటించనున్నాడు. ఈ సినిమాతో తమిళ ప్రేక్షకులను పలకరించనున్నాడని టాక్ నడుస్తోంది. ఇంతవరకు దీనికి సంబంధించి ఎటువంటి అధికారిక ప్రకటనా రాలేదు. త్వరరలో ఏమైనా క్లారిటీ వస్తుందేమో చూడాలి. ఈ సినిమాలో రాజ్ తరుణ్ సరసన మాళవికా అయ్యర్, హెబ్బా పటేల్ హీరోయిన్లుగా నటించారు. ఈసినిమా ఓటీటీలో విడుదలయింది. ఈ చిత్రానికి ప్రజాదరణ బాగానే లభించింది. అందుకనే ఈ సినిమాను తమిళంలోకి అనువదించాలని చూస్తున్నారు.
అయితే ఈ సినిమాలో ఏటీఎంలో డబ్బులు డ్రా చేసిన హీరోకు... నకిలీ నోట్లు వస్తాయి. వాటిని చూసిన హీరో ఆశ్చర్యపోతాడు. ఏటీఎంల్లో డబ్బులు నింపే ఏజెన్సీలు ఈ నకిలీ నోట్లను ముద్రించి, అందులో నింపు తున్నట్టు గుర్తిస్తాడు. ఆ తర్వాత ఏం జరిగిందన్నదే ఈ చిత్ర కథ. ఇందులో విలన్ పాత్రను పూర్ణ పోషించింది. ఆమెతోపాటు హేమా లింగనే, ప్రిన్స్, అజయ్, సత్యం రాజేష్, పూజా రామచంద్రన్, రాజా రవీంద్రా, కేదార్ శంకర్, రవివర్మ, ధన్రాజ్ తదితరులు నటించారు.