ఇక ఈ రెండో సీజన్లో అక్కినేని కోడలు సమంత కూడా కీలక పాత్ర పోషించబోతోంది. అంతేకాదు ఈ సినిమాలో ఆమె పాత్ర చాలా బోల్డ్గా ఉంటుందని డైరెక్టర్లు స్వయంగా వెల్లడించడంతో టాలీవుడ్ అభిమానుల్లో ఈ వెబ్ సిరీస్పై మరింత ఆసక్తి పెరిగింది. సినిమాలో సమంత ఓ పాకిస్తానీ టెర్రరిస్ట్గా కనిపించనున్నట్లు ఇప్పటికే అనేక వార్తలు వినిపిస్తున్నాయి. ఆ వార్తలను బలపరిచేలానే తాజాగా బయటకొచ్చిన సమంత లుక్ కూడా ఉంది. దీంతో సమంత ఇంత బోల్డ్ అండ్ నెగెటివ్ క్యారెక్టర్ ఎలా చేస్తోందా..? అంటూ అభిమానులు షాకవుతున్నారు. మే 19న ఈ సీజన్ ట్రైలర్ను ప్రేక్షకుల ముందుకు తీసుకొస్తామని, దాని ద్వారానే వెబ్ సిరీస్ రిలీజ్ డేట్ను కూడా వెల్లడిస్తామని డైరెక్టర్లు రాజ్&డీకే వెల్లడించారు.
దర్శకులు రాజ్ అండ్ డీకే ఈ వెబ్ సిరీస్పై చాలా కాన్ఫిడెన్స్తో ఉన్నారు. మొదటి సీజన్ కంటే సెకండ్ సీజన్లో సస్పెన్స్ అండ్ థ్రిల్లింగ్ డోస్ ఇంకా ఎక్కువగా ఉంటుందని, తొలి సీజన్ నచ్చినవారికి ఈ సీజన్ మరింత మజానిస్తుందని చిత్ర బృందం కచ్చితంగా చెబుతోంది. ఇక ఈ సిరీస్ తర్వాత ఓ పెద్ద బడ్జెట్ సినిమాతోనే ముందుకు వచ్చేందుకు రాజ్&డీకే రెడీ అవుతున్నారు.అందులో భాగంగా ఇప్పటికే బాలీవుడ్ బాద్షా షారుక్ ఖాన్కు ఒక కథ కూడా వినిపించారట. అంతేకాదు టాలీవుడ్ సూపర్ స్టార్ మహేశ్ బాబు, రౌడీ హీరో విజయ్ దేవర కొండలతో కూడా సినిమాలు చేసేందుకు వీరిద్దరూ రెడీ అవుతున్నారని సమాచారం.