ప్రస్తుతం ఆమె చేతిలో ఉన్న సినిమాలు మరే టాలీవుడ్ హీరోయిన్ చేతిలో లేవని చెప్పాలి. తన నటనతో డాన్స్ తో యూత్ ని ఆకట్టుకున్న ఈ బ్యూటీ ప్రస్తుతం ఆరు నెలల్లో మూడు సినిమాలతో ప్రేక్షకుల ముందుకు రాబోతుంది. శేఖర్ కమ్ముల దర్శకత్వంలో ఆమె హీరోయిన్ గా నటించిన లవ్ స్టోరీ సినిమా వీరిలో ముందుగా రిలీజ్ చేయనున్నట్లు తెలుస్తోంది. కరోనా కి ముందే ఈ సినిమా రిలీజ్ కు రెడీ కాగా లాక్ డౌన్ కారణంగా విడుదలను వాయిదా వేశారు. నాగచైతన్య హీరోగా నటించిన ఈ సినిమాలోని పాటలు ఇప్పటికే ప్రేక్షకుల నుంచి మంచి స్పందన పొందుతున్నాయి.
థియేటర్లు ఓపెన్ అవగానే మంచి రోజు చూసుకొని ఆగస్టు నెలలో ఈ సినిమా రిలీజ్ చేయాలని నిర్ణయించుకున్నారు నిర్మాతలు. ఇక ఈ సినిమా విడుదలైన కొద్ది గ్యాప్ లోనే ఆమె నటించిన మరో చిత్రం విరాటపర్వం సినిమా కూడా థియేటర్లలోకి రాబోతుంది. రానా ప్రధాన పాత్రలో నటించిన ఈ సినిమా ఇప్పటికే ప్రేక్షకుల ముందుకు రావాల్సింది కానీ షూటింగ్ ఆలస్యం కావడంతో రిలీజ్ వాయిదా పడింది. ఎట్టకేలకు ఈ సినిమాని సెప్టెంబర్ లో విడుదల చేయాలని భావిస్తున్నారట. నాని హీరోగా తెరకెక్కే ఈ సినిమాలో కూడా ఈమె హీరోయిన్ గా కనిపించనుంది. ఈ సినిమాను డిసెంబర్ లోపు విడుదల చేయాలని ప్లాన్ చేస్తున్నారు మేకర్స్..