ప్రస్తుతం రజనీకాంత్ యాక్షన్ చిత్రాల దర్శకుడు శివ దర్శకత్వంలో అన్నాత్తే అనే సినిమా చేస్తున్న సంగతి తెలిసిందే. ప్రతిసారి ఏవో అడ్డంకులు ఈ సినిమా షూటింగ్ కి వచ్చినా కూడా సినిమా షూటింగ్ ఎక్కడ ఆపకుండా జరుగుతూ వచ్చింది. రజినీకి ఆరోగ్యం బాగా లేకపోవడం, కరోనా లాక్డౌన్ రావడం వంటివి ఈ సినిమా షూటింగ్ కి ఆగిపోవడానికి పలు కారణాలు. ఆరోగ్యం బాగా లేకపోయినా సరే హైదరాబాదులో ఈ సినిమా కోసం రజనీకాంత్ రిస్క్ చేసి మరీ 35 రోజుల షూటింగ్ లో పాల్గొన్నారు.
ఇదంతా ఫ్యాన్స్ నీ అలరించడం కోసమే అని ఆ మధ్య ఓ ఓ చిన్న ప్రెస్ మీట్ లో రజనీకాంత్ వెల్లడించారు. నయనతార హీరోయిన్ గా నటిస్తున్న ఈ సినిమా ప్రస్తుతానికైతే షూటింగ్ పూర్తి చేసుకోగా త్వరలోనే అన్ని కార్యక్రమాలు పూర్తి చేసుకొని విడుదల తేదీని ప్రకటించబోతున్నట్లు తెలుస్తోంది. ఈ సినిమా కంటే ముందు రజిని దర్బార్ అనే సినిమాను చేయగా సినిమా ప్రేక్షకులను పెద్దగా ఆకట్టుకోలేకపోయింది. ఈ నేపథ్యంలో లో సరైన హిట్స్ లేకుండా సతమతమవుతున్న రజినీకాంత్ ఈ సినిమా మంచి విజయాన్ని అందించాలని చెప్పి దర్శకుడు శివ మంచి మంచి యాక్షన్ ఎపిసోడ్స్ ని డిజైన్ చేశాడట. ఆ యాక్షన్ ఎపిసోడ్స్ రజినీకాంత్ ఫాన్స్ కాలర్ ఎగరేసేలా ఉంటాయట.