దర్శకధీరుడు రాజమౌళి గురించి ప్రత్యేకంగా చెప్పనవసరం లేదు. చేసిన ప్రతి సినిమాతో హిట్ అందుకొని అపజయం ఎరుగని దర్శకుడిగా గుర్తింపు తెచ్చుకున్నాడు. ఇక బాహుబలితో పెద్ద పాన్ ఇండియా డైరెక్టర్ అయ్యాడు. ఆ సినిమా సృష్టించిన రికార్డులు అన్ని ఇన్ని కావనే చెప్పాలి. ఇక ప్రస్తుతం జక్కన్న డైరెక్షన్ లో ఆర్ఆర్ఆర్ తెరకెక్కుతుంది. మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ లు కలిసి నటిస్తున్నారు.దానయ్య డివివి ఈ సినిమాని భారీ బడ్జెట్ తో ఎంతో ప్రతిష్టాత్మకంగా నిర్మిస్తున్నాడు.ఇక ఈ సినిమాలో రామ్ చరణ్ సరసన అలియా భట్ సీత పాత్రలో నటిస్తున్న సంగతి తెలిసిందే. ఈమె తెలుగులో నటిస్తున్న తొలి సినిమా ఇది. అయితే జక్కన్న బాహుబలి2 వరకు తన సినిమాల్లో తెలుగులో గుర్తింపును సంపాదించుకున్న హీరోయిన్లకే ఛాన్స్ ఇచ్చి ఆర్ఆర్ఆర్ విషయంలో మాత్రం రూటు మార్చారు. బాలీవుడ్ బ్యూటీ అలియా భట్ తనకు ఛాన్స్ ఇవ్వాలని రాజమౌళిని కొన్నేళ్ల క్రితం కోరగా చరణ్ కు జోడీగా సీత పాత్రను అలియా భట్ కు ఆఫర్ చేశారు.


అయితే ఈ రోల్ కోసం అలియా భట్ పది కోట్ల రూపాయలకు అటూ ఇటుగా పారితోషికం తీసుకుందని కొన్ని నెలల క్రితం వార్తలు వచ్చాయి. అయితే ఆ వార్తలు అవాస్తవమని తెలుస్తోంది.అందుతున్న సమాచారం ప్రకారం అలియా భట్ ఈ సినిమా కోసం 6 కోట్ల రూపాయలు పారితోషికంగా తీసుకుందట.అయినా కాని ఒక హీరోయిన్ కి తెలుగులో 6 కోట్ల పారితోషికం అంటే చాలా ఎక్కువ అనే చెప్పాలి. ఆ 6 కోట్లతో ఏకంగా ఓ చిన్న సినిమానే తీయొచ్చు. అలాంటిది అస్సలు నోలెడ్జ్ లేని ఇలాంటి హీరోయిన్ అంత ఇచ్చి తీసుకోవడం అవసరమా అని సినిమా ప్రేమికులు కామెంట్స్ చేస్తున్నారు.


ఇక అలియా భట్ కి బాలీవుడ్ నాట హేటర్స్ ఈ మధ్య చాలా ఎక్కువయ్యారు. ఎందుకో అనేది ప్రత్యేకంగా చెప్పాల్సిన పని లేదు.అదే నెపోటీజం. దాని కారణంగానే ఈమెకు హేటర్స్ ఎక్కువయ్యారు.ఇక తెలుగులో కొంతమందికి ఈమె అస్సలు తెలీదు.పైగా తెలుగు హీరోయిన్ లతో పోల్చుకుంటే ఈమె మరి అంత అందంగా కూడా ఉండదు.అలాంటిది ఈమెని సినిమాలో తీసుకొని అక్కడ పెద్ద ఎత్తున ఆర్.ఆర్.ఆర్ సినిమాని విడుదల చేస్తే ఖచ్చితంగా బాహుబలికి వచ్చినంత ఆదరణ రాదని నెటిజన్స్ అభిప్రాయపడుతున్నారు. ఇక రాజమౌళి కూడా అలియాని తీసుకొని తప్పు చేశానా అనే ఆలోచనలో పడ్డట్టు సమాచారం. మరి చూడాలి అసలు యాక్టింగ్ రాని ఈ స్టార్ కిడ్ ని మన జక్కన్న ఎలా చెక్కుతాడో.. బాలీవుడ్ ప్రేక్షకులని ఎలా మెప్పిస్తాడో..

మరింత సమాచారం తెలుసుకోండి:

alia-bhatt

Purushottham Vinay

13/06/2021 06:00 PM