అయితే ఈ సినిమా పీఎస్‌పీకే28గా రూపొందుతోంది. ఈసినిమాకు ఇటీవల అభిమానులు కొన్ని పేర్లను సజెస్ట్ చేశారు. ఈ సినిమాకు అభిమానులు చెప్పిన పేర్లలోనే పవన్ స్టార్ రేంజ్ చూపించారు. ప్రస్తుతం వారు పంపిన టైటిల్ పోస్టర్లు నెట్టింట వైరల్ అవుతున్నాయి. ఈ పేర్లు సరిగ్గా పవన్ స్టేటస్‌కి, ఫ్యాన్ ఫాలోయింగ్‌కి సరిపోతాయి. ఆ పేర్లేంటో చూసేద్దామా.. ‘స్టేట్‌కి ఒక్కడు, సంచారి’. ప్రస్తుతం నెట్టింట ఈ పోస్టర్లు చేస్తున్న రచ్చ అంతాఇంతా కాదు. హరీష్, పవన్ సినిమాకు ఈ పేర్లు సరిగ్గా సరిపోతాయి. మరి హరీష్ శంకర్ వీటిలో ఏదైనా తీసుకుంటాడా లేదంటే ఇంతకన్నా పవర్ ఫుల్ పేరును పెడతాడా అనేది తెలియాలంటే మరికొన్ని రోజులు వేచి చూడాలి.
ఇదిలా ఉంటే ప్రస్తుతం పవన్ కళ్యాణ్ రెండు సినిమాలను ఏకకాలంలో చిత్రీకరిస్తున్నాడు. వాటిలో ఒకటి ‘అయ్యప్పనుమ్ కోషియం’కు రీమేక్‌గా తెరకెక్కుతుండగా, మరొకటి క్రిష్ దర్శకత్వంలో పవన్ చేస్తున్న పీరియాడికల్ సినిమా ‘హరిహర వీరమల్లు’. ఈ రెండు సినిమాలపై కూడా అభిమానుల్లో తారాస్థాయి అంచనాలు ఉన్నాయి. పవన్, హరీష్ సినిమా అన్ని అనుకున్నట్లు జరిగితే ఆగస్టు నెలలో ప్రారంభం కావచ్చని టాక్ నడుస్తోంది. మరి ఈ సినిమా పేరు విషయంలో అప్పటికి క్లారిటీ ఇస్తారేమో వేచి చూడాలి.
