తను ప్రేమిస్తున్న అమ్మాయిని ప్రాణ స్నేహితుడు కూడా ప్రేమించడం తో హీరో ఇద్దరికీ పెళ్లి చేయాలని ప్రయత్నాలు చేస్తుండగా హీరోయిన్ ఫాదర్ పెద్ద ఫ్యాక్షనిస్ట్ కావడంతో ఆమెకు బలవంతంగా వేరే పెళ్లి చేయబోతాడు. ఆ సమయంలో అనుకోని పరిస్థితుల వల్ల హీరో హీరోయిన్ లు పెళ్లి చేసుకోవాల్సి వస్తుంది. హీరోయిన్ మాత్రం హీరో ఫ్రెండును ప్రాణంగా ప్రేమిస్తుంది. హీరో ఎలాగైనా నిన్ను నా స్నేహితుడికి అప్ప చెబుతానని, వాడికి ఇచ్చి పెళ్లి చేస్తానని టౌన్ కి తీసుకెళతాడు. అక్కడ జరిగిన పరిస్థితుల నేపథ్యంలో హీరోయిన్ మనసు హీరో వైపు మళ్ళుతుంది. చివరికి హీరోయిన్ హీరో ని పెళ్లి చేసుకుంటుందా, హీరో ఫ్రెండ్ ను పెళ్లి చేసుకుంటుంది అనే విషయాన్ని దర్శకుడు సుకుమార్ ఎంతో బాగా చెప్పారు.
తెలంగాణ సమైక్యాంద్ర గొడవలు, విశ్లేషకుల మిశ్రమ స్పందనను ఎదుర్కొని ఈ చిత్రం బాక్సాఫీస్ వద్ద భారీ లాభాలు గడించి విజయం సాధించింది మలయాళంలో ఇదే పేరుతో అనువదించబడింది ఈ చిత్రం అక్కడ అల్లు అర్జున్ కి పెద్ద మార్కెట్ క్రియేట్ చేసేలా చేసింది. ఈ చిత్రంలో అల్లు అర్జున్ టైట్ ఫ్యాషన్ సాంప్రదాయక దుస్తులను వాడాడు. టై లు సైతం చాలా సన్నగా ఉంటాయి. స్టైలిష్ స్టార్ అల్లుఅర్జున్ ఇక్కడ ఈ ట్రెండ్ ని మొదలు పెట్టాడు అని చెప్పొచ్చు. ఈ చిత్రంలో హైలెట్ గా నిలిచింది బ్రహ్మానందం కామెడీ. అల్లు అర్జున్ డ్యాన్సులు, సుకుమార్ క్రియేటివిటీ, దేవిశ్రీప్రసాద్ సంగీతం విశేషంగా ఆదరించిన బడ్డాయి. తెలుగు రెడీ సినిమా నీ అదే పేరుతో హిందీలో నిర్మించబడ్డ సినిమాలో ఈ చిత్రం లోని రింగ రింగా పాటను అక్కడ రీమేక్ చేశారు.
