కాగా ప్రస్తుతం విజయ్ దేవరకొండ సెన్సేషనల్ దర్శకుడు పూరి జగన్నాథ్ తెరకెక్కిస్తున్న లైగర్ అనే సినిమాలో నటిస్తున్నాడు. బాక్సింగ్ నేపథ్యంలో తెరకెక్కుతున్న ఈ సినిమాపై ప్రస్తుతం భారీ అంచనాలు నెలకొన్నాయి. ఇక ఈ సినిమాలో విజయ్ దేవరకొండ లుక్ కూడా ఎంతగానో ఆకట్టుకుంది. కాగా ఈ సినిమా షూటింగ్ జరుగుతున్న సమయంలోనే మిగతా సినిమాలని కూడా లైన్లో పెడుతున్నాడు విజయ్ దేవరకొండ. ఇప్పుడు ఒక సరికొత్త కాన్సెప్ట్ తో కూడిన కథ చేసేందుకు రౌడీ హీరో సిద్ధమవుతున్నట్టు టాలీవుడ్లో టాక్ వినిపిస్తుంది. దర్శక ధీరుడు రాజమౌళి కొడుకు కార్తికేయ ఒక ప్రత్యేకమైన స్టోరీ సిద్ధం చేసినట్లు తెలుస్తోంది.
నిజ జీవిత కథ ఆధారంగా ఉన్న ఈ స్టోరీలో నాచురాలిటీ కి దగ్గర గా నటించే విజయ్ దేవరకొండ అయితే సెట్ అవుతాడని కార్తికేయ భావించాడట. ఈ క్రమంలోనే అటు విజయ్ దేవరకొండతో ఈ సినిమా చేసేందుకు సంప్రదించినట్లు తెలుస్తోంది. అయితే ఇది లవ్ అండ్ ఎంటర్టైన్మెంట్ సినిమాగా తెరకెక్కబోతున్నట్లు టాలీవుడ్లో టాక్ వినిపిస్తుంది. అయితే ఇటీవలే కార్తికేయ విజయ్ దేవరకొండ కు ఫోన్ చేసి కొంత స్టోరీ వినిపించడంతో విజయ్ దేవరకొండ పూర్తి స్టోరీ వినడానికి ఓకే చెప్పాడట. ఇక ఈ స్టోరీ పై అటు విజయ్ దేవరకొండ పాజిటివ్గా రెస్పాన్స్ ఇవ్వడం తో మరికొన్ని రోజుల్లో విజయ్ దేవరకొండ ఈ నిజ జీవిత కథ ఆధారంగా తెరకెక్కే సినిమాలో నటించబోతున్నట్లు టాలీవుడ్ లో ఒక గాసిప్ వైరల్ గా మారిపోయింది. ఇది ఎంతవరకు నిజం అన్నది చూడాలి మరి.