ప్రస్తుతం ఆదిపురుష్ నుంచి కాస్త గ్యాప్ రావడంతో సలార్‌పై దృష్టి పెట్టాడు. అయితే తాజాగా సలార్ సినిమాలో ఓ కీలక అంశం గురించి వార్త నెట్టింట హల్‌చల్ చేస్తుంది. దాంతో పాటుగా ఆ వార్త నిజమనే విధంగా సినీ సర్కిల్స్‌లా గుసగుసలు వినిపిస్తున్నాయి. ఇంతకీ అదేంటనుకుంటున్నారా.. పక్కా యాక్షన్ సినిమాగా తెరకెక్కుతున్న ‘సలార్’లో ప్రభాస్ ఎడమ చేతి చూపుడు వేలు వంగిపోయి కనిపిస్తుందట. అంతేకాకుండా ఈ సినిమాలో ఆ వేలు చాలా కీలకమని కూడా టాక్ వినిపిస్తోంది. దీంతో అసలు ఆ వేలు కథేంటని అభిమానులు తెగ ఆలోచిస్తున్నారు. కానీ అది తెలియాలంటే సినిమా విడుదల వరకు ఆగాల్సిందే.
ఇదిలా ఉంటే ఈ సినిమాలో ప్రభాస్ సరసన క్రాక్ గర్ల్ శ్రుతిహాసన్ నటిస్తోంది. ఈ సినిమా మొదటి షెడ్యూల్ దాదాపు పూర్తయిందట. మరికొన్ని రోజుల్లో రెండో షెడ్యూల్ ప్రారంభం అవుతుందని సమాచారం. అందులో ప్రభాస్ సెకండ్ గెటప్‌లోని సన్నివేశాలు చిత్రీకరించనున్నారని టాక్ నడుస్తోంది. అంతేకాకుండా ఈ షెడ్యూల్‌లోని కొన్ని భారీ యాక్షన్ సీన్‌లు కూడా ఉండనున్నాయట. ఈ మేరకు వార్తలు తెగ వినిపిస్తున్నాయి. మరి వీటిలో ఎంతవరకు నిజముందో తెలియాల్సి ఉంది.
