ఆ సినిమాను తెలుగులో మహాసముద్రంగా తెరకెక్కిస్తున్నారు. అయితే 2018వ సంవత్సరంలో ‘ఆర్.ఎక్స్.100’ వంటి బ్లాక్ బస్టర్ ను అందించిన దర్శకుడు అజయ్ భూపతి ఈ సినిమాని చిత్రీకరిస్తున్నారు. ఈ సినిమాలో హీరోగా శర్వానంద్ నటిస్తున్న సంగతి అందరికి తెలిసిందే. అయితే అదే సినిమాలో సెకండ్ సెకండ్ హీరో పాత్రలో సిద్దార్థ్ కనిపిచబోతున్నారని సమాచారం.
ఇక ఇదిలా ఉండగా.. ఈ చిత్రం కోసం సిద్దార్థ్ మంచి పారితోషికం అందుకున్నట్టు సోషల్ మీడియాలో వార్తలు వినిపిస్తున్నాయి. అయితే అందుతున్న సమాచారం ప్రకారం.. ‘మహాసముద్రంకు గాను సిద్ధార్థ్ రూ.3 కోట్ల పారితోషికం తీసుకుంటున్నట్లు సమాచారం. ఇక తమిళంలో కూడా ఈ చిత్రాన్ని విడుదల చేయాలనే ఉద్దేశంతో ఇతను అడిగినంత నిర్మాతలు ఇచ్చినట్టు తెలుస్తోంది. అలాగే ఈ సినిమా కనుక హిట్ అయితే సిద్దార్థ్ కు ఇలాంటి మంచి పాత్రలు టాలీవుడ్లో మరిన్ని వచ్చే అవకాశం ఉందని చిత్ర పరిశ్రమలో టాక్ వినిపిస్తుంది.
అంతేకాక.. అనిల్ సుంకర తన ‘ఎ.కె ఎంటర్టైన్మెంట్స్’ బ్యానర్ పై ఈ చిత్రాన్ని నిర్మిస్తున్నారు. ఈ సినిమాలో అదితి రావు హైదరి,అనూ ఇమాన్యుల్ వంటి క్రేజీ భామలు హీరోయిన్లుగా నటిస్తున్నారు. ఇక లవ్ అండ్ యాక్షన్ డ్రామాగా తెరకెక్కుతున్న ఈ చిత్రాన్ని ఆగష్టు 19న విడుదల చేయడానికి ప్లాన్ చేసినట్లు తెలుస్తోంది. అయితే కరోనా సెకండ్ వేవ్ ఎఫెక్ట్ కారణంగా వాయిదా వేశారు.