అసలు జనాలు థియేటర్ల వైపు వస్తారో రారో అని ఆందోళన చెందారు. అయితే సాయి ధరంతేజ్ నటించిన సోలో బ్రతుకే సో బెటర్ సినిమా ని నిర్మాతలు ధైర్యం చేసి విడుదల చేయగా ఆ సినిమానీ ఘనవిజయం చేశారు ప్రేక్షకులు. అయితే ఇప్పుడు కూడా అదే పరిస్థితి నెలకొంది. రెండవ దశ కరోనా ముగింపు దశకు రావడంతో థియేటర్లు ఓపెన్ అవుతాయి అని వార్తలు ప్రచారం అవుతున్నాయి. జూలై మొదటి వారంలో థియేటర్ ఓపెన్ అవ్వడం ఖాయం అంటున్నారు. దీంతో సినీ నిర్మాతలు తమ తమ సినిమలను ముస్తాబు చేసుకుంటున్నారు. 50 శాతం అక్యుపెన్సి తో థియేటర్ లను ప్రారంభించడానికి అనుమతించే అవకాశం ఉంది.
అయితే ఈ ఏడాది థియేటర్లు తెరచుగానే విడుదలయ్యే మొట్టమొదటి సినిమా శేఖర్ కమ్ముల దర్శకత్వంలో నాగచైతన్య నటించిన లవ్ స్టోరీ సినిమా అని చెబుతున్నారు. నిజానికి ఏప్రిల్ 16న ఈ సినిమా విడుదల కావాల్సి ఉండగా కరోనా విజృంభించడం తో ఈ సినిమా విడుదలను వాయిదా వేశారు. దాంతో థియేటర్ లు ఓపెన్ అయితే మొట్టమొదట విడుదలయ్యే సినిమా ఇదే అనిపిస్తుంది. మొదటి దశలో సాయి ధరంతేజ్ రిస్క్ చేస్తే రెండోదశలో నాగచైతన్య రిస్క్ చేసి తన సినిమాను విడుదల చేస్తున్నాడు. ఆ సినిమా లాగే ఈ సినిమా కూడా హిట్ అవుతుందో చూడాలి.
