అర్జున్ రెడ్డి సూపర్ హిట్ అవడంతో మన వాడి రేంజ్ మారింది. అయితే అర్జున్ రెడ్డి రిలీజ్ కు ముందే ఒప్పుకోవడం వల్ల గీతా గోవిందం సినిమాకు కూడా 5 నుండి 10 లక్షల రెమ్యునరేషన్ మాత్రమే తీసుకున్నాడట విజయ్ దేవరకొండ. అయితే ఆ సినిమా కూడా సెన్సేషనల్ హిట్ అవడంతో తెలుగు, తమిళ భాషల్లో వచ్చిన నోటా సినిమాకు భారీగా రేటు పెంచాడు విజయ్ దేవరకొండ. నోటా సినిమాకు విజయ్ దాదాపు 3 కోట్ల దాకా రెమ్యునరేషన్ తీసుకున్నాడని తెలుస్తుంది. ఆ తర్వాత వచ్చిన ట్యాక్సీవాలా సినిమాకు 5 కోట్లు ఛార్జ్ చేశాడట.
ట్యాక్సీవాలా హిట్ అవడంతో విజయ్ క్రేజ్ మళ్లీ డబుల్ అయ్యింది. అందుకే డియర్ కామ్రేడ్ సినిమాకు ఏకంగా 10 కోట్ల దాకా రెమ్యునరేషన్ తీసుకున్నాడట విజయ్ దేవరకొండ. డియర్ కామ్రేడ్ ఆశించిన స్థాయిలో ఆడలేదు అందుకే ఆ తర్వాత చేసిన సినిమా వరల్డ్ ఫేమస్ లవర్ సినిమాకు కూడా అదే 10 కోట్లు రెమ్యునరేషన్ గా తీసుకున్నాడట విజయ్ దేవరకొండ. ఇక ప్రస్తుతం పూరీ జగన్నాథ్ డైరక్షన్ లో లైగర్ మూవీ చేస్తున్నాడు. ఈ సినిమాను పాన్ ఇండియా రిలీజ్ ప్లాన్ చేశారు. ఈ సినీమా కోసం విజయ్ దేవరకొండ 12 కోట్లు తీసుకుంటున్నట్టు టాక్. మొత్తానికి 5 లక్షలతో కెరియర్ ప్రారంభించిన విజయ్ దేవరకొండ 12 కోట్ల దాకా ఎదిగాడు. అతని కృష్టి కష్టం అతన్ని ఇంతవాడిని చేసిందని చెప్పొచ్చు.
