అయితే బుల్లితెరపై సూపర్ స్టార్ అనిపించుకున్న డాక్టర్ బాబు.. త్వరలో వెండితెరపై కూడా తన అడుగు పెట్టబోతున్నారు. స్వయంగా నిరూపమే టాలీవుడ్ ఎంట్రీపై క్లారిటీ ఇచ్చారు. ఇక నిరుపమ్ పరిటాల మాట్లాడుతూ.. ‘బుల్లితెరపై నుంచి వెండితెరపైకి వెళ్లడం అనేది మన చేతుల్లో ఉండదు. సినిమాల్లో నటించాలనే ఉంది. కార్తీకదీపం లాంటి సీరియల్ వచ్చినట్టే.. సినిమాల్లో మంచి మంచి క్యారెక్టర్స్ వస్తే తప్పుకుండా చేస్తా. కొన్ని మంచి క్యారెక్టర్లు వస్తున్నాయి కానీ.. నాకు సరిపోయే పాత్రను ఎంపిక చేసుకోవడానికి కొంచెం టైం పడుతుంది.ఇక సినిమాల్లో అయితే చేయాలనే ఆసక్తి ఉంది.
అయితే ఎలాంటి పాత్రల్ని ఎంచుకోవాలనే బాగా డైలామాలో ఉన్నా.. ఇక ఇప్పటి వరకూ నన్ను సీరియల్స్లో ఫ్యామిలీ ఓరియంటెడ్ హీరోగానే చూశారు. ఇక సినిమాలంటే.. వాటికి నేను ఫిట్ అవుతానా? లేదా? ఆలోచించి అడుగులేస్తున్నారు. ఇక చేస్తే పలానా పాత్రే చేయాలి.. పలానా ఫైట్స్ చేయాలి.. ఆ డాన్స్ చేయాలని లేదు. నా దృష్టిలో సబ్జెక్ట్ అంటే హీరో.. ఇక ఆ సబ్జెక్ట్లో నేనో పాత్రను మాత్రమే.ఇక అది సినిమా అయినా సీరియల్ అయినా. ఇక బిగ్ స్క్రీన్పై నాకు సూపర్ స్టార్ మహేష్ బాబు అంటే చాలా ఇష్టం.. ఇక వెంకటేష్ గారి సినిమాలు కూడా బాగా చూస్తా. మెగాస్టార్ చిరంజీవి గారు ఆల్ టైం ఫేవరేట్. ఇక హీరోయిన్స్ అయితే చాలామంది ఉన్నారు..వారు సీజనల్గా మారిపోతుంటారు’ అని చెప్పుకొచ్చారు నిరుపమ్ పరిటాల.