ఆ విధంగానే ఇప్పుడు అల్లు అర్జున్ కూడా తన తండ్రి పేరుప్రఖ్యాతలను తక్కువ చేసేలా ఎప్పుడు ప్రవర్తించలేదు. ఆయన సినిమాల్లో ఎక్కువ భాగం తన తండ్రి ప్రభావం ఎక్కువ కనిపిస్తూ ఉంటుంది. తండ్రి కొడుకుల నేపథ్యంలో బన్నీ హీరోగా చేసిన సన్నాఫ్ సత్యమూర్తి మరియు అల వైకుంఠ పురం లో సినిమాలను తన తండ్రికి అంకితం ఇచ్చిన సంగతి తెలిసిందే. అల్లు అర్జున్ హీరోగా సినిమాల్లో ఎంత బిజీ అయినప్పటికీ ఫ్యామిలీతో సమయం గడపడం కోసం చాలా సమయం వెచ్చిస్తూ ఉంటాడు.
భార్యా పిల్లలతో కాకుండా తల్లిదండ్రులతో కూడా మరింత సమయాన్ని కేటాయించి వారి ప్రేమానురాగాలను పొందుతూ ఉంటారు. తండ్రి వద్ద ఎంత చనువు ఉన్న అన్ని విషయాలు చెప్పలేడు కాబట్టి అల్లు అర్జున్ ప్రేమించిన విషయాన్ని తల్లితో తండ్రికి చెప్పించి పెళ్లికి ఒప్పించాడు.ఏ కొడుకుతో అయినా తండ్రి కొంత కఠినం గా ఉంటాడు ఎందుకంటే తన కొడుకు ఎక్కడ చెడిపోతాడో అని. ఆ విధంగానే కొన్నిసార్లు అల్లు అరవింద్ కటువుగా ప్రవర్తించిన అది తన మంచికోసమే అని, మా నాన్న మనసు బంగారం అని అల్లు అర్జున్ చాలా వేదికల్లో తెలిపాడు. అల్లు అరవింద్ గీతాఆర్ట్స్ కాంబినేషన్లో అల్లు అర్జున్ హీరోగా చాలా సినిమాలు తెరకెక్కించారు. అల్లు అరవింద్ కు మరియు ఇద్దరు కొడుకులు కూడా ఉన్నారు ఈ ముగ్గురిలో ఒకరు తక్కువ కాదు ఎక్కువ కాదు అనే విధంగా అల్లు అరవింద్ అందరికి మంచి ప్రాముఖ్యత ఇస్తూ ఉంటారు.