స్టార్ హీరో, దగ్గుబాటి వారసుడు రానా ఓ ఇంటర్వ్యూలో మాట్లాడుతూ తన రాబోయే ప్రాజెక్టుల గురించి మాట్లాడాడు. తాను, వెంకటేష్, అభిరామ్ దగ్గుబాటి మల్టీస్టారర్ ప్లాన్ చేస్తున్నామని, ఈ చిత్రం అతి త్వరలో సెట్స్ పైకి వస్తుందని రానా చెప్పారు. దీంతో ఈ ప్రాజెక్ట్ గురించి అప్పుడే అంచనాలు మొదలయ్యాయి. ప్రస్తుతం దగ్గుబాటి మల్టీస్టారర్ గురించే బజ్ నడుస్తోంది. “నారప్ప" ఓటిటి లో విడుదలైనందుకు నేను కూడా నిరాశపడ్డాను. థియేటర్లలో విడుదలైతే బాగుంటుందని అనుకున్నాను అని అన్నారు. "ఆర్ఆర్ఆర్" విడుదల కోసం ఎంతో ఆసక్తిగా ఎదురు చూస్తున్నానని అన్నారు. ఇంకా మాట్లాడుతూ “నేను వివాహం తరువాత చాలా మారిపోయాను. పెళ్ళి తర్వాత ఎవరైనా అలాంటి మార్పులకు లోనవ్వడం సహజం. నేను ఇప్పుడు మరింత బాధ్యతగా మెలుగుతున్నాను" అంటూ తన వ్యక్తిగత విషయాలను కూడా పంచుకున్నారు. కాగా రానా "విరాటా పర్వం" విడుదల కోసం ఎంతో ఆసక్తిగా ఎదురు చూస్తున్నాడు. ఈ చిత్రం నెట్‌ఫ్లిక్స్‌లో డైరెక్ట్ డిజిటల్ రిలీజ్ అవుతుందని కొందరు చెబుతుండగా, మరికొందరు మాత్రం ఖచ్చితంగా థియేటర్లలోనే విడుదల అవుతుందని అంటున్నారు. మరి ఈ చిత్రం ఎప్పుడు ? ఎక్కడ ? రిలీజ్ అవుతుందో చూడాలి.
