ఉపేంద్ర తెలుగులో కూడా మంచి క్రేజ్ తెచ్చుకోవ‌డంతో అప్పుడు తెలుగు నిర్మాతలు సైతం ఆయనతో ఇక్కడ సినిమాలు చేశారు. ఒకే మాట - కన్యాదానం లాంటి హిట్ సినిమాల్లో కూడా ఆయన నటించారు. ఆ తర్వాత ఉపేంద్ర కన్నడంలో నటించిన సినిమాలు అన్ని రెగ్యులర్గా తెలుగులో విడుదల అవుతూ వచ్చాయి. చాలా రోజుల తర్వాత తెలుగులో సన్నాఫ్ సత్యమూర్తి సినిమాలో ఉపేంద్ర కీలక పాత్రలో నటించి మెప్పించారు. ఉపేంద్ర కెరీర్ ప్రారంభంలో కన్నడం లో స్టార్ హీరోయిన్ గా ఉన్న ప్రేమ తో ప్రేమాయణం నడిపినట్టు వార్తలు వచ్చాయి.
వారిద్దరు కలిసి ఎన్నో హిట్ సినిమాల్లో నటించారు. ఉపేంద్ర - ప్రేమ జంట అంటే స్పెషల్ ఎట్రాక్షన్. అయితే ఆ తర్వాత ప్రేమ వైఖరి నచ్చక ఉపేంద్ర ఆమెకు దూరమయ్యారని అంటారు. అప్పుడు ఉపేంద్ర తనతో పాటు కొన్ని సినిమాల్లో నటించిన ప్రియాంక ను ప్రేమించి పెళ్లి చేసుకున్నారు. ప్రియాంక తెలుగులో జెడి చక్రవర్తి హీరోగా వచ్చిన సూరి సినిమాలో కూడా హీరోయిన్ గా నటించింది. ఏదేమైనా అప్పట్లో ఉపేంద్ర - ప్రేమ ప్రేమాయణం ఒక సంచలనం.
