ఆలియా భట్‌ ఇటీవల వీకెండ్‌ సెలబ్రేషన్స్‌కి రణ్‌బీర్ కపూర్ ఇంటికి వెళ్లిపోయింది. అక్కడ కపూర్ ఫ్యామిలీతో కలిసి సరదాగా గడిపేసింది ఆలియ. ఇక ఆలియా కంపెనీకి మురిసిపోయిన నీతూ కపూర్ మై వరల్డ్ అని కామెంట్ పెట్టింది. దీంతో అత్తా కోడళ్ల సరదాలు బాగున్నాయనీ.. ఇంతకీ ఆలియా కపూర్ కాందాన్‌లో ఎప్పుడు అడుగుపెడుతుందోనని అనుకుంటున్నారు బాలీవుడ్ జనం.
ఇక దిశా పఠాని.. టైగర్‌తో ష్రాఫ్ తో మూడేళ్ల నుంచి లవ్ లో ఉంది. దిశా పఠానీ.. టైగర్ ఫ్యామిలీతో బాగా కనెక్ట్ అయిపోయింది. అంతేకాదు టైగర్ తల్లిదండ్రులతో పాటు.. వాళ్ల చెల్లెలితో తెగ క్లోజ్ గా గడిపేస్తోంది. ఒక అడుగు ముందుకేసి దుబాయ్ కూడా వెళ్లొచ్చింది ఈ అమ్మడు. లాక్‌డౌన్‌ నుంచి టైగర్ ష్రాఫ్, దిశా పఠాని మరింత దగ్గరయ్యారు. కలిసి జిమ్‌ చేయడం.. ఫుట్‌బాల్ మ్యాచులు ఆడుతూ క్లోజ్‌గా మూవ్ అవుతున్నారు. సెకండ్‌ వేవ్‌ లాక్‌డౌన్‌లో ఇద్దరూ కలిసి బయటతిరుగుతూ, పోలీసులకి కూడా దొరికిపోయారు. ఇది పెద్ద ఇష్యూ కూడా అయ్యింది. దీంతో వీళ్లకి ఇంకా పెళ్లి డేట్ దొరకలేదా అని అడుగుతున్నారు జనాలు.
మలైకా అరోరా రెండో పెళ్లికి అన్ని అడ్డంకులు క్లియర్ అయ్యాయి. భర్తకి విడాకులు ఇచ్చి, టీనేజ్‌ కొడుకుతో కలిసి సెపరెట్‌గా ఉంటోంది. కానీ ఎవరికోసం భర్తతో విడిపోయిందే అతనికి భర్త హోదా ఇవ్వడానికి మాత్రం టైమ్ తీసుకుంటోంది. లవర్ అర్జున్ కపూర్‌తో కలిసి టూర్లకి వెళ్తోంది గానీ, పెళ్లి మాట మాత్రం ఎత్తడం లేదు.
మలైకా అరోరా వయసు 47 ఏళ్లు. మరికొన్ని రోజుల్లో హాఫ్ సెంచరీ కొట్టేస్తుంది. ఇక అర్జున్ కపూర్ 35 దాటేశాడు. అయినా వీళ్లిద్దరు మాత్రం పెళ్లి గురించి ఆలోచించట్లేదు. మలైక కొడుకు అర్హన్ ఖాన్, అర్జున్ తండ్రి బోనీ కపూర్ పెళ్లికి ఒప్పుకున్నా వీళ్లు మాత్రం పెళ్లి గురించి పెద్దగా ఆలోచించడం లేదు.
